साउन २० गोरखा । नेकपाका प्रवक्ता नारायणकाजी श्रेष्ठले केपी ओलीलाई अध्यक्ष र प्रधानमन्त्री दुबै पदबाट हटाउने स्थायी समितिमा औपचारीक प्रस्ताव नभएर उनको कार्यशैली प्रतिको असन्तुष्टी रहेको भन्दै पार्टी एकता नटुट्ने बताएका छन् ।
गोर्खामा पत्रकारहरुसगँ कुरा गर्दै प्रवक्ता श्रेष्ठले यस्तो धारणा राखेका हुन् ।
सरकारले सकारात्मक काम गरे पनि केही महत्पूर्ण मुद्दामा चुकेको भन्दै नेता श्रेष्ठले प्रधानमन्त्री ओली छलफलमा सहभागी नहुनु आलोचनाको विषय बनेको श्रेष्ठले बताए ।
तर स्थायी समितिको बैठकमा प्रधानमन्त्रीले अरुको पनि कुरा सुन्नु पर्ने र जवाफ दिनु पर्ने उनले बताए ।
पार्टी गतिहीन भएको, निस्क्रिय देखिएको, आचरणको हिसाबले अरु भन्दा भिन्न हुन नसकेको स्वीकार्दै नेता श्रेष्ठले अहिले देखिएका विवादलाई बैठकबाट सामाधान गर्ने र पार्टी एकता कायम रहने प्रवक्ता श्रेष्ठनको दाबी छ ।