रौतहटको इशनाथ नगरपालिका वडा नम्बर ५ का वडाध्यक्ष ५५ वर्षीया देवेन्द्र ठाकुरको रुघाखोकी लागेर सास फेर्न गाह्रो भए पछि अस्पताल लैजादै गर्दा बाटोमै निधन भएको छ ।
ज्वरो, रुघा र खोकीले ग्रसित भएर विरामी परेका वडाध्यक्ष ठाकुरलाई श्वास फेर्न समस्या आएपछि आइतबार मध्यरातमा उपचारको लागि गौरस्थित निजी अस्पतालमा ल्याउदै गर्दा उनको बाटोमै ज्यान गएको हो।
स्वास्थमा समस्या आएपछि ३ दिन अघि आरडिटि गर्दा ठाकुरको रिपोर्ट निगेटिभ आएको पूर्व मेडिकल सुपरिटेन्डेन्ट तथा रौतहट नसिँग होमका सञ्चालक एव उहाँकै जेठा दाजु डाक्टर राम शंकर ठाकुरले बताए।
ठाकुरको शब अहिले गौर स्थिति निजि निवासमा राखिएको छ।
वडाध्यक्ष ठाकुर सुगर र प्रेसर पीडित रहेको समेत उनले जानकारी दिए । कन्ट्रयाक ट्रेसिङको आधारमा उनका परिवारहरुको पिसिआर गर्ने तयारी गरिदै छ ।
मृतक वडाध्यक्ष ठाकुरमा कोरोना संक्रमणको आशंका गरिएको छ।
पिसिआर जाचको लागि जिल्ला जन स्वास्थ्य कार्यालयमा जानकारी गराइसकेको र उनको स्वायव संकलनपछि नै अन्तिम संस्कार गरिने डाक्टर ठाकुरले जनाएका छन्।यसै बिच वडा अध्यक्ष ठाकुरको मृत्यु भएपछी इशनाथ नपा कार्यपालिका सदस्य सहित सिङ्गो नगरपालिका नै शोकमा डुबेको छ ।
मेयर सन्तोष मेहता र नेकपाका नगर अध्यक्ष मोहन मेहताले एक शोक बिग्यप्ती निकाल्दै अध्यक्ष ठाकुरको असामायिक निधन इशनाथ नगरपालिकालाइ ठूलो क्षति भएको बताएका छन ।
