काठमाडौं, १३ साउन । प्रधानमन्त्री एवं नेकपा अध्यक्ष केपी शर्मा ओलीले पार्टीका उपाध्यक्ष वामदेव गौतमलाई भेटेका छन् । मंगलवार राति उपाध्यक्ष वामदेव गौतमलाई भेट्न ओली वामदेव निवास भैँसेपाटी पुगेका हुन् ।
ओलीले आज बिहान स्थायी समितिको बैठक स्थगित गरेका थिए । तर ओली एक्लैले बैठक स्थगीत गरेको भन्दै अर्का अध्यक्ष प्रचण्डले स्थायी समिति बैठक राख्नुभएको थियो ।
उक्त बैठकले ओलीलाई बैठकमा सहभागी हुन आग्रह गर्ने निर्णय गरेको थियो ।
बालुवाटारमा नै बसेको स्थायी समिति बैठकमा समेत ओली अनुपस्थित हुँदै अएका थिए । ओली मंगलबार महासचिव विष्णु पौडेलसहित प्रधानमन्त्री ओली गौतम निवास पुगेको स्रोतले जनाएको छ । आफ्नो निर्णय विपरित बैठक पुन सन्चालन गरेपछि ओली गौतमलाई फकाउन उनकै निवास पुगेको पनि सेत बताउछ ।
गौतमले मंगलबारमात्रै विवाद समाधानका लागि भन्दै ६ बुँदै प्रस्ताव दुई अध्यक्षलाई बुझाएका थिए । गौतमले पार्टीमा विग्रह आउन नदिन ओलीलाई एकता महाधिवेशनसम्म अध्यक्ष र प्रतिनिधिसभाको यस अवधिभर प्रधानमन्त्री बनाउनेसहित को ६ बुँदे प्रस्ताव बुझाएका थिए ।
पार्टी एकता बचाउन आफूले प्रस्ताव ल्याएको गौतमको दावी छ । गौतमले ६ बुँदे प्रस्ताव ल्याए पनि मंगलबार अध्यक्ष दाहालको अध्यक्षतामा बसेको बहुमत स्थायी कमिटी बैठकमा सहभागि भएर ओलीको आलोचना गरेका थिए । त्यसलगत्तै गौतमलाई फकाउन प्रधानमन्त्री उनको निवास पुगेको स्रोतले बतायो । ओलीको साथमा पत्नी राधिका शाक्य पनि गौतम निवास पुगेकी छन् ।