साउन १३ काठमाण्डौं । बिहान एकतर्फी रुपमा स्थायी समितिको बैठक स्थगितको हल्ला चलाएको भन्दै प्रचण्ड र झलनाथ खनालले भेटेर बैठक बसौ भने पनि अध्यक्ष ओली आउन नमाने पछि प्रचण्डको नेतृत्वमा बालुवाटारमै बैठक शुरु भएको छ ।
नेताहरु बालुवाटार पुग्नु अघि नै प्रधानमन्त्री ओलीका तर्फबाट बैठक स्थगनको सन्देश फैलिएको थियो ।
त्यस पछि प्रचण्ड, माधव नेपाल, झलनाथ खनाल, वामदेव गौतम, नारायणकाजी श्रेष्ठ सहितका नेताहरु बालुवाटार पुगेर बैठक राख्न दबाब दिएका थिए ।
बैठक कक्षमा नेताहरु कुरेर बसे पनि ओली नआए पछि प्रचण्ड र झलनाथ खनाल ओलीलाई भेट्न गएका थिए ।
त्यस छलफलमा पनि सहमति नभए पछि र ओली आउन नमाने पछि प्रचण्डकै अध्यक्षतामा स्थायी समितिको बैठक शुरु भएको र यस अघि घोािषत नियमित एजेण्डामा छलफल शुरु भएको स्रोतले बताएको छ ।
असार १० गते शुरु भएको स्थायी समितिको बैठक पटक पटक आन्तरीक विवादका कारण स्थगित हुदै आएको थियो ।