विराटनगर साउन ११ । कोरोना बिरुद्ध अग्रपक्तिमै खटिरहेका सुरक्षाकर्मी संक्रमित हुने क्रम बढेको छ । आज एकै दिन प्रदेश १ प्रहरी कार्यालय रानी विराटनगरका १९ जना प्रहरी आज संक्रमित भएका छन् ।
प्रदेश जनस्वास्थ्य प्रयोगशाला विराटनगरमा गरिएको परीक्षणमा आइतबार उनीहरुको रिपोर्ट पोजिटिभ देखिएको हो । कोरोना पोजेटिभ देखिनेमा १ महिलासहित १८ पुरुष प्रहरी रहेका छन् ।
यस्तै काठमाण्डौं प्रहरी हेड्क्वाटरमा समेत केही सुरक्षाकर्मी संक्रमित भएको यस अघि सार्वजनिक भएको थियो ।
प्रदेश नं एक प्रहरीमा कोरोना संक्रमितको संख्या २४ पुगेको छ । यसैबीच आइतबार नै प्रहरी बाहेक थप ३ जनामा समेत कोरोना संक्रमण पुष्टि भएको छ । संक्रमितमध्ये २ महिला र १ पुरुष रहेका छन् । १ महिला उदयपुरकी रहेको समाजिक विकासमन्त्री जीवन घिमिरेले जानकारी दिए ।
बाँकी १ महिला र १ पुरुष विराटनगरकै भएको बताईएको छ ।