पर्सा, १० श्रावण । पर्साको बिरगंज महानगरपालिकामा जिल्ला प्रशासन कार्यालय पर्साले आज बिहानैबाट कफ्र्यु लगाएको छ ।
पर्सामा कोरोना संक्रमण र मृत्यु दुबै बढ्न थाले पछि प्रशासनले कफ्र्यु लगाएको हो ।
आजबाट अनिश्चित काल सम्मका लागि सम्पूर्ण बजार, पसल, होटल, यातायात, उद्योग सबै भन्दा छन् भने अत्यावस्यक काम बाहेक हिड्डुल गर्न पनि प्रतिवन्ध लगाईएको छ ।
यसैबीच बीरगञ्ज महानगरपालिकाका मेयर बिजय सरावगीले यो कफ्र्यु जनतालाई दुखः दिने काम मात्र भएको बताएका छन् ।
सरावगीले चेकजाच नै नभइ हचुवाका भरमा कर्फ्यु लगाइएको टिप्प्णी गरे । सीमामा कर्फ्यु नलगाएर बजार क्षेत्रमा मात्र कर्फ्यु लगाउनुको कुनै औचित्य नरहेको समेत उनले बताए । मेयर सरावगीले कोरोना भाइरसको महामारीको समयमा बिरगंज महानगरपालिका भित्र रहेका नागरिकलाइ कोभिड १९ चेकजाचको निम्ति सम्पूर्ण तयारी पूरा भइसकेपनी काठमान्डुमा सोधेर मात्र चेकजाच हुने भएकोले कर्फ्युको कुनै औचित्य नभएको बताएका हुन् ।
कोरोना भाइरसका कारण बिरगंजमा हिजै मात्र दुई जनाको मृत्यु भएको छ ।
जिल्ला प्रशासन कार्यालय पर्साले जारी गरेको लक डाउनको बिरोध केही युवाहरूले समाजिक संजाल मार्फत गरेका छन ।