साउन ९, वीरगन्ज ।
आज १९ वर्षीया किशोरीको नारायणी अस्थायी कोरोना अस्पतालमा उपचारका क्रममा मृत्यु भएको छ । झाडापखाला र भाइरल इन्सेफ्लाइटीसको बिरामी उनको शुक्रबार साँझ मृत्यु भएको हो । किशोरीको स्वाब संकलन गरि पीसीआर परीक्षण भईरहेको चिकित्सकले जनाएका छन् ।
ती किशोरी वीरगन्ज हेल्थ केयर हस्पिटलबाट रिफर भएर नारायणी अस्पतालमा आएकी अस्पतालका इन्चार्ज डा. निरज सिंहले जानकारी दिनुभयो ।
आरडीटीमा एन्डीबडी पोजिटिभ देखिएपछि स्वाब संकलन गरी पीसीआर परीक्षणका लागि नारायणी अस्पताल पठाइएको छ । रिपोर्ट नआउँदै साँझ उनको मृत्यु भएको डा. सिंहले बताउनु भयो ।
शुक्रबार बिहान सोही अस्पतालमा वीरगन्ज महानगरपालिका–११ निवासी ८५ वर्षीय महिलाको मृत्यु भएको थियो ।
चिकित्सकका अनुसार ती वृद्ध महिला मुटुरोगी थिइन् । पछि निमोनिया भएर अस्पताल आएकी थिइन् । ती महिलामा ७ गते कोरोना संक्रमण पुष्टि भएको थियो ।