साउन ५ काठमाण्डौं । असार १० बाट शुरु भएको नेकपाको स्थायी समितिको बैठक शुरु भए पछि आन्तरीक विवादमा रुमल्लिएको नेकपा भित्र बहस अझै पेचिलो बनेको छ ।
प्रधानमन्त्री र पार्टी अध्यक्षबाट नैतिकताको आधारमा राजीनामा दिन प्रचण्ड, माधव कुमार नेपाल, झलनाथ खनाल, वामदेव गौतम सहित बहुमत नेताहरुले माग गरे पछि र ओलीले कुनै हालतमा राजीनामा नदिने अडान राखे पछि स्थायी समितिको बैठक स्थगित हुदै बस्दै आएको छ ।
यसै क्रममा दुबै पक्षले आ आफ्नो कसरत जारी राखेका छन् ।
यसै क्रममा आज अध्यक्ष प्रचण्डले पूर्व माओवादी पक्षीय स्थायी समितिका सदस्यहरुसगँ गरेको छलफलमा पार्टी एकता जोगाउन सबै उपाय प्रयोग गर्ने बिषयमा सुझाव आएको छ ।
प्रचण्डले पार्टी एकता जोगाउन अनेकौ कसरत भएको र अझै जारी राख्ने बताएको एक नेताले बताए ।
तर नैतिकताको आधारमा राजीनामा दिनुको साटो पार्टी विभाजनको बाटो अध्यक्ष ओली आफैले तयार पारेको घटनाक्रमका बारेमा नेताहरुले धारणा राखेका थिए ।
नेता देव गुरुगंले अब पार्टीलाइ विधिमा लाने कि , विभाजनमा लैजाने, एकता बनाउने वा के गर्ने भन्ने बिषय अध्यक्ष ओलीले निकास दिनु पर्ने बताए ।
उनले पुरानो एमाले ब्युताउ निर्वाचन आयोगमा दल दर्ताको प्रकृया थाल्ने, पार्टी विभाजन सम्बन्धि अध्यादेश ल्याउने जस्ता क्रियाकलापले के संकेत गर्छ भन्दै प्रश्न गरे ।
पार्टीको बैठकमै नआउने, बोकेर ल्याउदा पनि हिडिहाल्ने काम कसले गरेको छ ? नेता गुरुगंले भने ।
राजीनामाको दबाब भन्दा पनि नैतिकताको हिशाबले निकास दिन आफूहरुले अध्यक्ष ओलीलाई माग गरेको बताएका थिए ।
नेकपा स्थायी समितिको बैठक भोलीका लागि बोलाईएको छ ।