साउन ५ लाहान । समाजमा अनेक खालमा अपराध बढीरहेको छ । यस्तै सामान्य तर भयभित तुल्याउने घटना सिराहामा भएको छ ।
प्रहरी हिरासतमा लिएको एक हजार सापटी मागेको समयमा नतिरेको झोँकमा साथीको अपहरण भएर हत्या भएको बिषयमा प्रहरीले दुई जनालाई नियन्त्रणमा लिएर अनुसन्धान शुरु गरेको छ ।
लहान नगरपालिका १ बस्ने १८ वर्षीय रोशन रामको अपहरणपछि हत्या भएको हो ।
लकडाउनमै लागू औषध मुद्दामा पक्राउ परेका रोशन केहीदिन अघि थुनाबाट छुटेका थिए । १० हजार रुपैँया धरौटी राखेर छुटेका उनी थुनामै रहेका बेला प्रहरी हिरासतभित्रै मिर्चैया नगरपालिका वडा नम्बर १ का मुकेश कटुवालसँग १ हजार रुपैया सापटी लिएको बताईन्छ ।
रोशनका पारीवारीक स्रोतका अनुसार थुनाबाट निस्केपछि मुकेशले रोशनलाई पटक पटक एक हजार रुपैया माग्दै आएका थिए । तर पैसा नभएका कारण काम गरेर दिन्छु भन्दै रोशनले टार्दै आएका थिए । त्यस पछि मुकेशले पटकपटक घरमा पुगेर रोशनलाई ज्यान मार्ने धम्की दिने गरेको रोशनका बुवा सिपैत मोचीको दाबी छ ।
मुकेशले नै छोराको हत्या गरेको मोचीले दाबी गरे । मुकेशले रोशनलाई अषाढ २७ गते घरबाट बाईकमा चढाएर ससुराली पुगेर आउने भन्दै लिएर गएका थिए ।
उनी सोही दिनदेखि बेपत्ता भएको परिवारले जनाएको छ । उनको शब मिर्चैयाको बतहाखोला नजिक बेबारिसे अवस्थामा प्रहरीले फेला पारे पछि प्रहरीले मुकेश र उनका अर्का जय कुमार लाई नियन्त्रणमा लिएर अनुसन्त्रान शुरु गरेको जनाएको छ ।
