साउन २ काठमाण्डौं । आन्तरीक विवाद चरम भए पछि रोकिदै बस्दै आएको नेकपा स्थायी समितिको बैठक आज पुनः बस्दै छ । बिहान ११ बजे पछि प्रधानमन्त्रीको सरकारी निवास वालुवाटारमा बस्ने बैठकमा आज सबै सदस्यहरुलाई बोल्न दिने तयारी भएको स्रोतले जनाएको छ ।
नेकपामा स्थायी समितिमा ४५ सदस्य रहेका छन् । त्यस मध्य एक सदस्य अग्नी सापकोटा सभामुख भए पछि हाल ४४ सदस्य रहेका छन् । आधा जसोले बैठकको शुरु चरणमै बोलेका थिए । ती मध्य धेरै जसोले प्रधानमन्त्री ओलीको दुबै पदबाट राजीनामा मागिए पछि नेकपा विवादमा फसेको थियो र बैठक स्थगित हुदै आएको थियो ।
आजको बैठकमा पनि प्रचण्ड, रा नेपाल, झलनाथ खनाल, वामदेव गौतम , नारायणकाजी श्रेष्ठ सहितका नेताले शुरु देखि माग गर्दै आएको प्रधानमन्त्रीको राजीनामाका बिषयमै बहस हुने देखिएको छ ।
बहुमत सदस्यले प्रधानमन्त्रीको राजीनामा मागे पछि ओली स्थायी समितिको बैठकमा नआई ससदको हिउदे अधिवेशन अन्त्य गर्न पुगेका थिए ।
त्यस पछि सहमतिको प्रयास भन्दै स्थायी समितिको बैठक रोक्दै ओली प्रचण्डबीच पटक पटक छलफल भए पनि सहमतिको बिन्दु अझै फेला परेको छैन ।
प्रचण्ड माधव पक्षले ओलीले कुनै एक पदबाट भए पनि राजीनामा दिनु पर्ने अडान राखिरहेका छन् भने ओलीले जुनसुकै चुनौतीको सामना गर्ने तर राजीनामा नदिने अडानमा यथावत रहेका छन् ।
आजको बैठकले केन्द्रीय समितिको बैठक बोलाउने बिषयमा पनि छलफल गर्ने बताईएको छ ।
असार १० गते शुरु भएको बैठकमा एमसीसी लगायतका एजेण्डामा छलफल गर्ने भनिए पनि प्रधानमन्त्रीले आफूलाई हटाउन भारतीय दुतावास र पार्टीकै नेताहरु सक्रिय भएको अभिव्यक्ति दिए पछि एकाएक राजीनामा माग शुरु भएर स्थगित हुदै आएको थियो ।