असार ३० काठमाण्डौं । नेकपा भित्र मत्थर हुदै गएको आन्तरीक संकट किनारा लगाउने बिषयमा दुई अध्यक्ष केपी शर्मा ओली र प्रचण्डबीच आज पुनः भेट भएको छ । प्रधानमन्त्रीको सरकारी निवास वालुवाटारमा भएको छलफलमा सहमतिको विकल्पबारे कुराकानी भएको बताईएको छ ।
असार १० मा शुरु भएको स्थायी समितिको बैठकमा प्रचण्ड, माधव कुमार नेपाल, झलनाथ खनाल र वामदेव गौतम सहित ३० बढी स्थायी समिति सदस्यले दुबै पदबाट राजीनामा मागे पछि र आफूले कुनै हालतमा राजीनामा नदिने अडानमा रहे पछि फुटको संघारमा पुगेको नेकपा पुनः एकता बचाउन संघर्षरत रहेको छ ।
ओलीले प्रधानमन्त्री पदमा कायम रहने गरी कुनै विकल्पमा सहमतिको प्रयास भईरहेको सेतको दाबी छ ।
प्रचण्ड माधव पक्ष समेत पार्टी विभाजन गर्नु हुन्न भन्ने तल्लो तहको दबाबका कारण र पार्टी फुटाएको अपजस लाग्ने भएकाले मध्यमार्गी सहमतिको विकल्पतर्फ जुटेको दाबी स्रोतको छ ।
यसै पृष्टभूमिमा प्रचण्ड र ओलीबीच आउने बिहिबार पुनः छलफल हुने जनाईएको छ ।