अपडेटः म्याग्दीमा पहिरोमा वेपत्ता हुनेको संख्या ३२, खराब मौसम, बाढी र बाटो नभएकाले अझै उद्धार शुरु हुन सकेन

अपडेटः म्याग्दीमा पहिरोमा वेपत्ता हुनेको संख्या ३२, खराब मौसम, बाढी र बाटो नभएकाले अझै उद्धार शुरु हुन सकेन

  • शुक्रबार, असार २६, २०७७
  • मिर्मिरे अनलाइन

  • 11.8K
    SHARES

असार २६ म्याग्दी । अविरल वर्षापछि आएको पहिरोमा परी म्याग्दीमा दर्जनौं घर पुरिनुका ३२ जना वेपत्ता भएका छन् ।

धौलागिरि र मालिका गाउँपालिकामा पहिरो जादा वेपत्ता भएकाहरुको खोजी गर्न टोली खटिएका छन् ।
धौलागिरि–६ मराङमा भीम जुग्जाली, धनबहादुर जुग्जालीको परिवारमा मात्र कम्तीमा ७ जना बेपत्ता भएको वडाध्यक्ष राजाराम सुवेदीले बताए । उनका अनुसार पहिरोले समस्यामा परेकाको उद्धार समेत हुन सकेको छैन ।

त्यसै गरी मालिका गाउँपालिका–७ बिमको तल्लोगाउँ तथा भारवाङमा गएको पहिरोमा परी सोमनाथ शर्मा पौडेलकी पत्नी विष्णु शर्मा र इच्छा पौडेल सहित कम्तीमा ८ जना बेपत्ता भएका छन् ।

‘बिमको पहिरोमा कम्तीमा ८ जना बेपत्ता भएको जानकारी आएको छ । वारिपारि दुवैतर्फ पहिरो गएको र बाढी आएकाले प्रहरी र उद्धारकर्मी कोही पुग्न सकेको छैन ।

पहिरोमा मराङको घन्टवाङ र मालिकाको बिममा थुप्रै व्यक्ति बेपत्ता हुनुका साथै ३० जनाभन्दा बढी फसिरहेको जानकारी रहे पनि खराब मौसमका कारण उद्धारका लागि हेलिकोप्टर उड्न नसकेको जिल्ला आपत्कालीन कार्य सञ्चालन केन्द्रले जनाएको छ ।

‘पहिरोले बस्ती पूरै घेरिएकाले प्रहरी र स्थानीय उद्धारकर्तासमेत घटनास्थल पुग्न सकेका छैनन् । बेपत्ता र क्षतिको विवरण फोनको भरमा लिईरहेको प्रमुख जिल्ला अधिकारी ज्ञाननाथ ढकालले बताए ।
त्यसै गरी बाढीका कारण गलेश्वरस्थित राघुघाट खोलाको बेलीब्रिज बगेको छ । पुल बगाएपछि बाढी पिप्लेगलेश्वर बस्तीतर्फ सोझिएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ