कोरोना नियन्त्रणमा खुल्लासीमा र भारत मुख्य चुनौतीः प्रदेश एक सरकारको निष्कर्ष

कोरोना नियन्त्रणमा खुल्लासीमा र भारत मुख्य चुनौतीः प्रदेश एक सरकारको निष्कर्ष

  • शुक्रबार, असार १९, २०७७
  • मिर्मिरे अनलाइन

  • 9.3K
    SHARES

विराटनगर असार १९ । प्रदेश १ सरकारले भारतमा बढ्दो कोरोना संक्रमण नेपालका लागि समेत चुनौतीको विषय रहेको भन्दै प्रतिवेदन सार्वजानिक गरेको छ ।
प्रदेश १ सरकारबाट कोरोना भाईरस रोकथाम, नियन्त्रण र उपचार सम्बन्धी कार्यलयका लागि हालसम्म भएको आम्दानी तथा खर्च प्रतिवेदन सार्वजानिक गर्दै भारत र खुल्ला सीमानाका मुख्य चुनौती रहेको उल्लेख गरिएको हो ।
मुख्यमन्त्री तथा मन्त्रिपरिषद्को कार्यालयले शुक्रबार उद्योग संगठन मोरङको सभाहलमा आयोजना गरेको प्रतिवेदन सार्वजानिक कार्यक्रममा भारतबाट लुकिछिपी आउनेहरुबाट कोरोना संक्रमणको चुनौती रहेको उल्लेख गरिएको छ ।
दक्षिणतर्फको सीमाबाट लुकिछिपी नेपाल प्रवेश गर्नेहरुमाथि नियन्त्रण र निगरानी गर्न नसके प्रदेश १ मा कोरोना संक्रमणको जोखिम बढ्न सक्ने आकंलन सरकारले सार्वजानिक गरेको प्रतिवेदनमा उल्लेख छ ।
यसैगरी विषम परिस्थितिका कारण नागरिकमा हुनसक्ने मानसिक समस्याको निरुपण गर्नका लागि मनोवैज्ञानिक उपचार पद्धती अपनाउन आवश्यक रहेको समेत प्रमुख सचिव दिनेश भट्टराईले सार्वजानिक गर्नु भएको प्रतिवेदनमा उल्लेख गरिएको छ ।
भारत तथा विदेशबाट फर्केका नागरिकको व्यवस्थापन, आईशोलेसन र अस्पताल व्यवस्थापनका लागि थपिने दायित्व, सामाजिक दुरी, मास्क र निसंक्रमण जस्ता स्वास्थ्य प्रोटोकलको पालनासँगै आर्थिक मन्दिका कारण सिर्जना हुने बेरोजगारीको व्यवस्थापन सरकारका चुनौती रहेको उल्लेख गरिएको छ ।
सवल व्यवस्थापन : मुख्यमन्त्री
प्रतिवेदन सार्वजानिक कार्यक्रममा मुख्यमन्त्री शेरधन राईले कोरोना भाईरस (कोभिड–१९) रोकथाम, नियन्त्रण र उपचारको प्रवन्ध समयमै गरिएका कारण प्रदेश १ वासी आत्तिनुपर्ने अवस्था नरहेको बताएका छन् । मुख्यमन्त्री राईले मजबुत पूर्व तयारी गरिएको दावी गर्दै प्रदेशवासीलाई ढुक्क रहन आश्वस्त पारेका हुन् ।
समुदायस्तरको संक्रमण नियन्त्रण गर्न सफल हुनुमा सवल पूर्व तयारीलाई मान्नुपर्ने मुख्यमन्त्री राईको जोड थियो ।
नेपाल भारत सीमा नाका पशुपतिनगर, भद्रपुर, रंगेली, रानी, भण्टाबारी हुँदै प्रवेश गर्नेहरुको संख्या पूर्वमानुमान गरेर होल्डिङ सेन्टर स्थापना र क्वारेन्टीन व्यवस्थापनमा सरकारले लिइएको कदमले संक्रमणलाई रोक्न सजिलो भएको मुख्यमन्त्री राईले बताएका छन् ।
व्यवस्थापनमा भएका कमजोरीहरुलाई सच्याउन र सुधार गर्न सरकार अझैसम्म सचेत रहेको बताउँदै मुख्यमन्त्री राईले अहिलेसम्मका कामको नतिजा सफल आएको दावी गरेका हुन् ।
भारतमा संक्रमणको दर बढ्दै गएकोलेले अझैसम्म सीमानाकालाई व्यवस्थिति बनाउनु पर्ने र लुकिछिपी प्रवेश गर्नेहरुमाथि निगरानी आवश्यक रहेकोले चुनौती रहेको उनको भनाई छ । कोभिड महामारीका कारण मानसिक समस्या बढ्न सक्ने बताउँदै यसको मनोवैज्ञानिक उपचार प्रणालीको विधी प्रयोगमा ल्याउनुपर्ने आवश्यकता महशुस गरिएको उनले बताए ।

कोरोना रोकथाम, नियन्त्रण र उपचामा २७ करोड खर्च
विराटनगर । प्रदेश सरकारले कोरोना रोकथाम, नियन्त्रण र उपचारमा हालसम्म २७ करोड ३३ लाख ८९ हजार ८९० रुपिँया खर्च गरेको छ ।
मुख्यमन्त्री तथा मन्त्रीपरिषद्का प्रमुख सचिव दिनेश भट्टराईका अनुसार प्रदेश जनसुरक्षा कोषबाट १९ करोड ८२ लाख ७१ हजार १७० रुपिँया, मन्त्रालयहरुको नियमित बजेट शिर्षकबाट ४ करोड ८१ लाख १८ हजार ७२० र नेपाल सरकारबाट प्राप्त भएमध्येबाट २ करोड ७० लाख रुपिँया निकासा तथा खर्च भएको हो ।
कोरोना नियन्त्रणका जनसुरक्षा कोषमा ३३ करोड ५४ लाख एक हजार ९४१ रुपिँया रकम जम्मा भएको थियो । जसमा प्रदेश सरकार २५ करोड, नेपाल सरकार ४ करोड, बैंक तथा वित्तिय संस्था १ करोड ८६ लाख २ हजार २३६, प्रदेशका पदाधिकारी तथा कर्मचारी १ करोड ६४ लाख ६० हजार ९७५, उद्योगी तथा व्यवसायी ७४ लाख ८० हजार र अन्त संस्था तथा व्यक्तिबाट २८ लाख ५८ हजार ७३० रुपिँया जम्मा भएको प्रमुख सचिव भट्टराईले जानकारी दिनुभयो ।
मन्त्रालयत आन्तरिक मामिला तथा कानुन मन्त्रालयमा १५ करोड ३४ लाख रुपिँया निकासा तथा खर्च भएको छ । क्वारेन्टीन तथा होल्डिङ एरिया व्यवस्थापन, सुरक्षा व्यवस्थापन र परिचालन, स्थानीय तहलाई राहत वितरण सहयोग, जिल्ला प्रशासन कार्यालय तथा जिल्ला समन्वय समितिमार्फत कोरोना नियन्त्रण सम्बन्धी कार्य गर्नका लागि निकासा गरिएको उल्लेख छ ।
यसैगरी सामाजिक विकास मन्त्रालयले ९ करोढ ९९ लाख ८९ हजार ७४० रुपिँया खर्च गरेको छ । जसमध्ये कोरोना जनसुरक्षा कोषबाट २ करोड ४८ लाख ७१ हजार २० रुपिँया, मन्त्रालयको नियमित बजेट शिर्षक अन्तर्गत ४ करोड ८१ लाख १८ हजार ७२० रुपिँया र संघीय सरकारबाट प्राप्त २ करोड ७० लाख रहेको प्रमुख सचिव भट्टराईले जानकारी दिनुभयो ।
मन्त्रालयले आईशोलेशन अस्पताल स्थापना, सञ्चालन तथा व्यवस्थापन, स्वास्थ्य सामाग्री तथा उपकरण खरिद, कोरोना परीक्षण, उपचार व्यवस्था, स्वास्थ्य सामाग्री ढुवानी, स्वास्थ्यकर्मी तथा संक्रमित व्यक्तिहरुको खाना, खाजाका लागि खर्च भएको उल्लेख गरिएको छ ।
भौतिक पूर्वाधार विकास मन्त्रालयले कोशी अस्पताल कोभिड–१९ उपचार केन्द्र निर्माणका लागि २ करोड रुपिँया खर्च गरेको छ । मुख्यमन्त्री तथा मन्त्रीपरिषद्को कार्यालयले जनचेतनामूलक सामाग्री प्रकाशनका लागि सञ्चारमाध्यममा ५० लाख १५० रुपिँया बराबरको खर्च गरेको प्रमुख सचिव भट्टराईले जानकारी दिनुभयो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ