असार १९ काठमाण्डौं । तुलनात्मक रुपले सार्वजनिक रुपमा बोल्ने काँग्रेस सभापति शेर बहादुर देउवाले यस पटक आफ्नै भातृ संगठन नेविसंघका नेताहरुलाई थर्काएका छन् । उनले आफू नेविसंघको सभापति हुदाँ देशभर जीतेको र प्रधानमन्त्री समेत चार पटक भएको भन्दै नेताहरुलाई स्कुल स्कुलमा गाँउ गाँउमा संगठन नबनाएकोमा थर्काएका हुन् ।
नेपाली कांग्रेसका पूर्वसभापति स्वर्गीय गिरिजाप्रसाद कोइरालाको ९६औं जन्म जयन्तीको अवसरमा काठमाडौंमा आयोजित एक कार्यक्रमलाई सम्बोधन गर्दै सभापति देउवा नेविसंघले संगठन विस्तारमा काम नगरेको भन्दै आक्रोशित भएका हुन् ।
काठमाण्डौमा बस्यो, झगडा गर्यो संगठन बनाउनु छैन , लाज छैन , यस्तै पाराले भोली प्रधानमन्त्री बन्न सक्नु हुन्छ ? उनले प्रश्न गरे ।
कार्यक्रममा सामाजिक दुरी कायम नगरेमा पनि उनले बिरोध जनाएका थिए ।
नेविसंघले संगठन विस्तारमा ध्यान नदिएकै कारणले कम्युनिष्टहरुले चुनाव जितेको दाबी गर्दै देउवाले भने, ‘स्कुलमा नेविसंघ बनाउँदै बनाउँदैन् । अनि हारेको हार्यै छ । सबै ठाउँमा कहाँबाट कम्युनिष्टले जित्यो यहाँ रु कसरी जिते कम्युनिष्टहरु रु उनीहरुले गाउँगाउँमा संगठन बनाए । काठमाडौंमा आएर बढ्ता–बढ्ता भाषण गरेर केही हुनेवाला छैन । गाउँमा जाउ गाउँमा । गाउँमा बनाउ, गाउँको स्कुलमा बनाउ नेविसंघ अनि मात्र झगडा गर्न आउ । केही नगर्ने मसित कुरा गर्ने ?
नेविसंघ बलियो भए मात्रै काँग्रेस बलियो हुने देउवाको तर्क थियो ।