असार १२ काभ्रे । अत्याधुनिक हात हतियार सहित आएको लुटेरा समुहले काभ्रेको रोशी ५ मा रहेको बीर बहादुर तामागंको बारीमा रहेको ९० लाख मुल्य बराबरको बोधिचित्त लुटेको छ । हतियारसहित आएको ३० जनाको समूहले वीरबहादुर तामाङको बारीमा रहेको रुखको बोधिचित्त लुटेर फरार भएका छन् ।
बोधिचित्तको सुरक्षाका लागि कुरेर बसेका ५ जनालाई लुटेरा समूहले आक्रमण गरी घाइते बनाई दाना लिएर भागेका थिए । डीएसपी कुमार विक्रम थापाको कमाण्डमा रहेको टोलीले उनीहरुको खोजी गरिरहेको प्रहरीले जनाएको छ ।
प्रहरीका अनुसार बिहीबार राति साढे १० बजे एसएमजी बन्दुक २ थान, पेस्तोल २ थान, कटुवा पेस्तोल १० थान, खुकुरी र सकेट बमसहित आएका उनीहरुले बाटोमा खतरा लेखेर यातायातका साधन चल्न दिएका थिएनन् । उनीहरुले वीरबहादुर र दिलबहादुर तामाङको घरको ढोका फोरी निगरानीको लागि राखिएको सीसीटीभी क्यामेरा तोडेका थिए ।
उनीहरुको आक्रमणबाट तेमाल– ६का ३८ वर्षीय श्याम तामाङ, रोशी–६ का ३० वर्षीय जितबहादुर तामाङ, सोही वडाका २४ शेखर लामा र ४० वर्षीय जितबादुर तामाङ घाइते छन् । उनीहरुको धुलिखेल अस्पतालमा उपचार भइरहेको छ ।
काभ्रेमा पटक पटक किशानको बोधिचित्त लुटिदै आएको छ ।