जेष्ठ ३१ डडेलधुरा । डडेल्धुरा जिल्ला नवदुर्गा गाऊपालिका १ कोटेली बिर बलभद्र मा वि कोटेली स्कुल को क्वारेन्टाईनमा बसेका ५६ जनाको पि सि आर रिपोर्ट १० दिन देखि १४ दिन भैसक्दा पनि अहिले सम्म नआएको भन्दै उनीहरु आक्रोसित बनेका छन् ।
यतिका दिन सम्म पनि न राम्रो खानाको व्यवस्था छ, न सुत्नको राम्रो व्यवस्था छ , ४ हप्ता हुन लाग्यो भारतबाट आएर क्वारेन्टाईनमा बसेको , कहिले सम्म बस्नु पर्ने हो ? उनीहरुले भनेका छन् ।
क्वारेन्टाईनमा बसिरहेका भीम सिंहले भने, घरमा आफैले कमाएर पाल्नु पर्ने मान्छे छन्, आफू क्वारेन्टाईनमा बसिरहदा घरमा पनि बिजोग भएको छ , सरकारले हामीलाई छिटो कि रिपोर्ट दिनु पर्यो , कि घर पठाउनु पर्यो भन्दै गुनासो गरेका छन् ।
उनले स्थानीय सरकारले पनि कुनै वास्ता पनि नगरेको भन्दै अरु मानिसहरु पनि रिपोर्ट नआए गेटै तोडेर भए पनि घर जाने मानसिकतामा पुग्न थालेको बताए ।
