एजेन्सी जेष्ठ २७ । कोरोना माहामारीका कारण लकडाउन, रोजगारी गुम्नु, पैसाको अभाव हुनु आदि कारणले फुर्सदिलो समयमा समेत मान्छेमा निन्द्रा कम लाग्ने गरेको पाईएको छ । धेरै सुत्न चाहने मान्छेमा पनि अहिले निन्द्रा कम हुन थालेको एक अध्ययनले देखाएको हो ।
लकडाउनले काम नभएर घरमा आराम महसुस गर्नु पर्ने मान्छेहरुले बेचैनी महसुस गरीरहेको पाईएको छ ।
बेलायतको किंग्स कलेज लण्डनमा भएको २२ देखि २४ मे सम्मको अध्ययनमा यस्तो निष्कर्ष निकालिएको छ । अध्ययनमा सामेल ३८ प्रतिशत मान्छेले खराब सपना समेत देख्ने गरेको बताएका छन् । केही मान्छेले लकडाउनमा धेरै सुते पनि धेरै थकान महसुस गरेको औल्याएका छन् । २२ सय ५४ जनामा गरिएको सर्बेक्षण अनुसार हरेक १० जनामा ६ जना मानिसलाई निदाउन गाह्रो पर्ने जस्ता समस्या देखिएको पाईएको छ ।
किंग्स कलेज लण्डनका पोलिसी इन्सटीच्युट का बबीले लकडाउनका कारण दुई तिहाई मानिसमा रोजगारी गुम्ने, आर्थिक संकट जस्ता कुराले सताईरहेको उल्लेख गरेका छन् ।
अरु समयको तुलनामा लकडाउका अबधिमा मानिसहरु १५ मिनट बढी सुत्ने गरेको पाईएको छ । तर फ्रान्समा भने मानिसहरु त्यो भन्दा अलि बढी सुत्ने गरेको पनि अध्ययनले देखाएको छ ।
लकडाउनमा बियरेबल डिभाईसको मद्धतबाट सुत्ने अवधिको मापन गरिएको थियो ।
अध्ययनको निष्कर्ष अनुसार लकडाउन अन्त्य भए पछि पनि लामो समय यसको असर मानिसमा हुने छ । तत्कालै मान्छे पूर्ववत अवस्थामा फर्कन मुस्किल पर्ने छ । मानिसहरु डरसगैँ जिउन बाध्य हुने औल्याईएको छ ।
