रुपन्देही जेष्ठ २७ । रूपन्देहीको तिलोत्तमा नगरपालिका–१० कान्छीबजार नजिकै मैनहवा गाउँमा एक व्यक्तिले आफ्नै ५ जना साथीको हत्या गरेका छन् । घटनास्थलमै चार जनाको हत्या भएको थियो भने एकजनाको उपचारको लागि अस्पताल लैजाँदै गर्दा बाटोमै मृत्यु भएको प्रहरीले जनाएको छ ।
तिलाेत्तमा नगरपालिका वडा नं १० कान्छिबजारका कृष्ण पुनकाे गाई फर्ममा काम गर्ने ६ जनामध्ये ५ जनालाई हत्या गरि अर्का १ जना फरार रहेकाे बताईएको छ ।
मृतककाे नाम खुलेको छैन प्रहरी घटस्थलमा भर्खर पुगेकाे छ । फरार हुने साेहि फर्ममा काम गर्ने झपेन्द्र सिन्जाली हुन् ।
मृत्यु हुनेहरुमा एक जना महिला र चार जना पुरुष छन् । मैनहवास्थित गाउँमा सोमबार राति एक युवकले आफ्नै साथीहरुको हत्या गरेका हुन् ।
मंगलापुर प्रहरी चौकी इन्चार्ज थापाले प्रहरी टोली घटनास्थलमा पुगिसकेको जानकारी दिए ।
किन र कसरी हत्या गरे भन्ने खुल्न सकेको छैन । आफूलाई घटनाको ढिलो जानकारी आएको भन्दै त्यस तर्फ जान लागको मेयर बासुदेव घिमिरेले बताए ।