जेष्ठ २४ काठमाण्डौं । नेपालमा कोरोना भाइरसका कारण मृत्यु हुने क्रम बढेको छ । शनिबार एकै दिन दुई जनाको मृत्यु कोरोनाका कराण भएको पुष्टी भएसगैँ देशभर यसबाट मृतकको संख्या १३ पुगेको छ । स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार आज डोल्पा र कैलालीमा मृत्यु भएका दुई जनाको रिपोर्ट पोजेटिभ आएको हो ।
डोल्पाको जगदुल्ला गाँउपालिका–३ एक ५८ वर्षीय पुरुषको जेठ २० गते मृत्यु भएको थियो । कर्णाली स्वास्थ्य विज्ञान प्रतिष्ठानबाट परीक्षण गर्दा उनको मृत्युको ४ दिन पछि कोरोना पोजेटिभ रिपोर्ट आएको छ ।
त्यसैगरी धनगढीको सेती अस्पतालको प्रयोगशालामा गरिएको परीक्षणमा अर्की एक मृतक ५५ वर्षीय महिलाको पीसीआर रिपोर्ट पोजिटिभ आएको छ। उनी मिर्गौला पीडित रहेको बताईएको छ । उनको डायलासिसकै क्रममा जेठ २३ गते मृत्यु भएको थियो। त्यसपछि स्वाब लिएर परीक्षण गर्दा रिपोर्ट पोजिटिभ आएको हो। उनमा कोरोनाको कुनै लक्षण नभएको प्रवक्ता देवकोटाले बताए ।
यस अघि मृत्यु भएका पनि धेरै जसोमा मृत्यु पछि मात्रै कोरोना पुष्टी भएको छ ।