जेष्ठ २४ डोल्पा । नेपालमा निरन्तर कोरोना संक्रमणबाट मृत्यु हुनेको संख्या बढ्दै गएको छ । फेरी डोल्पामा ५ दिन अघि जेष्ठ २० गते मृत्यु भएका ५८ बर्षका व्यक्तिमा कोरोना देखिएको छ । जगदुल्ला गाँउपालिका–३ का ५८ वर्षीय पुरुषको मृत्यु भएको हो । यो सगैँै नेपालमा कोरोनाबाट मृत्यु हुनेको संख्या १२ पुगको छ । जस मध्य धेरै जसोको मृत्यु पछि कोरोना पोजेटिभ देखिएको छ । जेठ १८ गते नेपालगञ्जबाट डोल्पा पुगेका उनलाई क्वारेन्टाइनमा राखिएको थियो । उनी लामो सममदेखि दमको रोगले पीडित थिए।
होम आइसोलेसनमै रहेका उनको जेठ २० गते मृत्यु भयो । मृत्युपछि उनको स्वाब संकलन गरी कर्णाली स्वास्थ्य विज्ञान प्रतिष्ठनमा पीसीआर परीक्षणका लागि पठाइएको थियो। शनिबार आएको उनको पीसीआर परीक्षणको रिपोर्ट पोजेटिभ आएको हो ।
सुरक्षाका उपाय अपनाई उनको दाह्संस्कार गरेको भएपनि उक्त वडा र छिमेकी गाँउका अधिकांश संक्रमित भएको हुनसक्ने आशंका बढेको छ । गाँउपालिकाका सबै नाका सिल गरिएको र गाँउ सिल गरिएको गाँउपालिका अध्यक्ष नारासिँह रोकायाले जानकारी दिए।
उनीसँगै १२ जना अन्य नागरिक पनि जगदुल्लामा आएका थिए। उनीहरु हाल क्वारेन्टाइनमा छन्।