काठमाण्डौँ जेष्ठ २३ । नेपाली काँग्रेसकी सांसद डा. डिला संग्रौलाले बजेट देखावटी, परम्परागत भएको र यसले जनताको मन छुन नसकेको टिप्पणी गरेकी छन् । संसदमा आज भएको छलफलमा डा. संग्रौला पन्तले महिला तथा सहकारी मन्त्रालयमा छुटाइएको बजेटमा आफ्नो टिप्पणी गरेकी छन्।
राष्ट्रपति महिला सशक्तीकरण कार्यक्रम पुनः पुनरावृत्ति भएको छ । तर यस कार्यक्रमले विपन्न एवं वञ्चितीमा परेका महिलाहरुको यसमा पहुँज हुँदैन भने कसरी उनीहरुले रोजगारी पाएर उद्यमशील बन्दछन् भन्दै प्रश्न गरेकी छन् ।
यसै गरी उनले सदाको लागि बालश्रमको अन्त्य गर्ने भनिएता पनि होटल, रेष्टुरेण्ट, सार्वजनिक यातायात, इँट्टाभट्टा लगायतका क्षेत्रमा बालश्रमको शोषण भएको भन्दै यो केवल सरकारको देखाउने दाँत मात्र भएको दाबी गरिन् ।
उनले मेलम्ची खानेपानी काठमाठौँमा वितरण गरिने भनिएता पनि अहिलेसम्म कुनै छाटकाट नदेखिएको , अहिलेसम्म कुन तहमा कति बाँझो जमिन छ भनेर तथ्यांक नै जुटाउन नसकेर जनतालाई गुमराहमा राखेको, युवा परिचालनका नाममा आफ्नो दलका कार्यकर्तालाई पोस्ने मात्र कार्यक्रम ल्याएको भन्दै बिरोध जनाईन् ।