जेष्ठ २२ काठमाण्डौं । नेपालमा कोरोना संक्रमणबाट मृत्यु हुनेको संख्या १० पुगेको छ ।
भारतबाट पाँचदिनअघि आएका पाल्पाका एक ४५ वर्षीय पुरुषको कोरोना संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टी गरेको छ ।
उनी पाल्पाको पूर्वखोला गाउँपालिकाका हुन् । उनी भारतबाट पाँच दिन अगाडि नेपाल आएर क्वारेन्टाइनमा बसेका थिए । क्वारेन्टाइनमा स्वासप्रश्वाससम्बन्धी समस्या आएपछि उनलाई तीन दिनअघि मिसन अस्पतालमा भर्ना गरिएको थियो । अस्पतालमै उनको मंगलबार मृत्यु भएपछि संकलन गरिएको स्वाबको पीसीआर रिपोर्ट पोजिटिभ आएको हो ।
पहिलो मृत्यु सिन्धुपालचोककी सुत्केरी, बाके नरैनापुरका युवा लगायत अहिले सम्म मृत्यु भएका अधिकाशमा मृत्यु भए पछि मात्रै कोरोना संक्रमणको पुष्टी भएको छ ।
समयमै पिसिआर परीक्षण, गुणस्तरीय क्वारेन्टाईन र उपचार व्यवस्थापन नहुदा यस्तो समस्या बढेकोे भन्दै आलोचना हुने गरेको छ ।
