जेष्ठ १८ काठमाण्डौं । नेपालमा निरन्तर कोरोनाको संक्रमण र क्षति बढीरहेको छ ।
पछिल्लो २४ घण्टामा देशभर एक सय ६६ जनामा कोरोना संक्रमण पुष्टी भएको छ ।
२४ घण्टा भित्र कोरोनाका कारण २ बर्षे बालिकाको पनि मृत्यु भएको छ । बाजुरामा मृत्यु भएकी बालिकाको आज बिहान मृत्यु भएको थियो । यो सगैँ मृत्यु हुनेको संख्या ८ पुगेको छ ।
स्वास्थ्य मन्त्रालयका प्रवक्ता डा. विकास देवकोटाले एक सय ६२ जना पुरुष र ४ जना महिला संक्रमित भएको नियमित पत्रकार सम्मेलनमा जानकारी दिए । यो सगैँे देशभर संक्रमितको संख्या १५ सय ६७ पुगेको छ ।
आज एक जनाको डिस्चार्ज भएसँगै कोरोना जित्नेको संख्या २२० पुगेको छ। जसमध्ये १७२ पुरुष छन् भने ४८ जना महिला छन्। आज चितवनको भरतपुर अस्पतालबाट मकवानपुर हेटौंडाकी २५ वर्षीया महिलाको डिस्चार्ज भएको हो।
प्रवत्ता देवकोटाका अनुसार अहिलेसम्म पीसीआर विधिबाट ६९ हजार पाँच सय ८२ जनाको नमुना परीक्षण गरिएको छ ।