डडेलधुरा जेष्ठ १८ । नेपालमा क्वारेन्टाईनमा बसेका मानिसहरुको मृत्यु हुने क्रम बढेको छ । आज फेरी डडेलधुराको क्वारेन्टाइनमा राखिएका ६ बर्षीय बालकको मृत्यु भएको छ । डडेलधुराको नवदुर्गा गाउँपालिका–३ का ६ वर्षीय बालकको गएराति १२ बजे मृत्यु भएको हो ।
डडेलधुरा बहुमुखी क्याम्पसको क्वारेन्टाइनमा राखिएका बालक अचानक बिरामी भएर अस्पताल लैजादै गर्दा मृत्यु भएको थियो ।
उनी आमा बाबुसगैँ सो क्वारेन्टाईनमा बसेका थिए । जिल्ला अस्पताल बालकलाई पुर्याउनासाथ उनलाई अस्पतालले मृत घोािषत गरेको थियो ।
डडेलधुरा अस्पतालका निमित्त मेडिकल सुपरिटेन्डेन्ट डा. जगदीशचन्द्र विष्टले क्वारेन्टाइनमा मृत्यु भएका बालकको आजै स्वाबको नमुना लिएर पीसीआर परीक्षणका लागि कैलाली प्रयोगशालामा पठाईने जानकारी दिए ।
यस अघि हिजो मात्रै दैलेखमा एक युवाको क्वारेन्टाईनमै अचानक बेहोस भएर उपचार नपाउदै मृत्यु भएको थियो ।