ठोरीको ठुटेखोला पुल संचालनमा भारतीय पक्षको बारम्बार अवरोध, नेपाली भूमीमा आएर यसरी देखाए दादागिरी !

ठोरीको ठुटेखोला पुल संचालनमा भारतीय पक्षको बारम्बार अवरोध, नेपाली भूमीमा आएर यसरी देखाए दादागिरी !

  • बिहिबार, जेष्ठ १५, २०७७
  • दिपक चौरसिया

  • 14.8K
    SHARES

वीरगंज १५ जेठ । बुधवारबाट मात्र सन्चालनमा आएको ठोरीको ठुटेखोला पुल सन्चालनमा भारतीय पक्षले फेरि अवरोध पुर्याएको छ । पुलको पुर्वपट्टीबाट भारततर्फ जाने सिचाइको एउटा कुलो पुरेर सन्चालनमा आएको पुल भारतको भारतीय सिमा सुरक्षा बल, बिहार प्रहरी र सिमावर्ती स्थानीय भारतीयले कुलो भत्काउन खोजेर पुल सन्चालनमा अवरोध पुर्याउन खोजेका थिए ।
आज सांझतिर भारतीय सुरक्षाकर्मी सहित उपस्थित भएका भारतीय पक्षले बुधवार पुरिएको कुलो भत्काउन खोजेपछि नेपालतर्फको स्थानीय जनप्रतिनिधि र सुरक्षाकर्मीले भत्काउन नदिएपछि भारतीय पक्ष फर्किएको सशस्त्र प्रहरी निरीक्षक दिपक दाहालले जानकारी दिनुभयो । माथिको आदेश भन्दै कुलो भत्काउन आएका भारतीय पक्ष र ठोरीका स्थानीयबीच केहिबेर भनाभन समेत भएको उहाँले बताउनुभयो ।

ठोरीका स्थानीयले भारतीय पक्ष हतियार सहित नेपाल प्रवेश गरेको बताएपनि सशस्त्र प्रहरी निरीक्षक दाहालले दसगजा भित्र नै भारतीय सुरक्षाकर्मी बसेको र नेपाल प्रवेश गरेकाहरु हतियार बिना नै प्रवेश गरेको दाबी गर्नुभयो ।

ठोरी–२ का वडाध्यक्ष किशोर तामाङ, नेपाल प्रहरीका निरीक्षक अशोक साह लगायत ठूलो संख्यामा भेला भएका नेपाली पक्षले कुलो भत्काउन नदिएपछि भारतीय पक्षले माथीको आदेश भन्दै कुलो सन्चालन गर्न पाउनुपर्ने भन्दै केहिबेर झगडा गरेको प्रत्यक्षदर्शीहरुले बताएका छन् ।

नेपाली पक्ष कुलो भत्काउन नदिने अडानमा बसेपछि भारतीय पक्ष अवेरमात्र फर्किएको हो ।
ठोरी वडा २ र ३ जोड्ने पुल भारतीयकै विवादको कारण निर्माण सम्पन्न भएको ३ बर्ष भन्दा बढी समय हुँदा पनि सन्चालनमा आएको थिएन ।

नेपालका स्थानीय सरोकारवालाहरुको बैठकले पुल संचालन गर्ने निर्णय गरेसंगै बुधवारदेखी पुल सन्चालनमा आएको थियो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ