जेष्ठ १४ काठमाण्डौं । नेपालमा कोरोना संक्रमण निरन्तर बढीरहेको छ । यसै क्रममा आज दिउसो मात्रै प्रदेश २ को रौतहट, बारा सिराहा र प्रदेश १ को झापामा परी ६२ जनामा कोरोना संक्रमण पुष्टी भएको छ । रौतहटमा मात्रै ३५ जना गपिएका छन् । जिल्लामा मात्रै संक्रमित एक सय ५ पुगेको छ ।
जसमध्ये ३८ जनाको स्वाब टेकुस्थित प्रयोगशालामा परीक्षण गरिएको थियो भने बाँकी ७ जनाको हेटौंडाको प्रयोगशालामा परीक्षण गरिएको हो ।
संक्रमितहरूमध्ये रौतहटका मात्रै ३५ जना रहेका छन् । त्यस्तै, बाराका ८ जना र सिराहाका २ जना रहेका छन् ।
यसरी प्रदेश दुईमा ४५ जनामा आज देखिएको हो ।
यस्तै प्रदेश १ को झापामा १७ जनामा कोरोना पुष्टी भएको छ ।
कोशी अस्पताल विराटनगरको प्रयोगशालामा परीक्षण गर्दा बुधबार दिउँसो १७ जनामा कोरोना संक्रमण पुष्टि भएको कोशी अस्पताल विराटनगरकी मेडिकल सुपरिटेण्डेन्ट डा। संगीता मिश्राले जानकारी दिइन् ।संक्रमितमध्ये कचनकवल गाउँपालिकाका १५ जना र गौरदह नगरपालिकाका २ जना रहेका छन् ।
योसँगै झापामा कोरोना संक्रमितको संख्या ५४ पुगेको छ । तीमध्ये २ जना डिस्चार्ज भइसकेका छन् । प्रदेश १ मा कोरोना संक्रमितको संख्या १०४ पुगेको छ ।
संक्रमितमध्ये २६ जना यसअघि डिस्चार्ज भइसकेका छन् । बुधबार ४ जना डिस्चार्ज हुँदैछन्