काठमाडौं जेष्ठ १२ । नेपालमा कोरोना संक्रमितको संख्या निरन्तर बढ्ने क्रम जारी छ ।यसै क्रममा अहिले दिउसो थप ६ जनामा कोरोना पुष्टी भएको छ । काठमाण्डौमा १ जना, बर्दियामा ३ जना , अछाममा एक जना र पर्सामा एक जनामा कोरोना पुष्टी भएको नियमित मिडिया ब्रिफिगंमा स्वास्थ्य मन्त्रालयका प्रवक्ता डा. विकास देवकोटाले जानकारी दिए ।
आज बिहान मात्रै ७२ जना थपिएको थियो ।
अछाम मेललेकका ३२ वर्षीय पुरुषमा कोरोना संक्रमण देखिएको स्वास्थ्य मन्त्रालयले पुष्टि गरेको हो। सेती प्रादेशिक अस्पतालामा गरिएको पीसीआर परीक्षणमा कोरोना संक्रमण देखिएको हो।
त्यसैगरी भेरी अस्पतालको प्रयोगशालामा गरिएको परीक्षणमा ३ जनाको कोरोना पोजिटिभ देखिएको छ। स्वास्थ्य मन्त्रालयका प्रवक्ता डा। विकास देवकोटाका अनुसार गुलरिया १० बर्दियाका २२ र २४ वर्षीय पुरुष र गुलरिया २ बर्दियाका १८ वर्षीय पुरुषमा कोरोना पोजिटिभ देखिएको हो।
यस्तै नारायणी अस्पतालको प्रयोगशामा गरिएको परीक्षणमा दुई जनामा पोजिटिभ देखिएको छ। उनीहरु जिरा भवानी गाउँपालिका ४ पर्सा कालिकामाइको क्वारेन्टाइनमा रहेकामा १८ वर्षका पुरुष र काठमाडौं महानगरपालिका १५ घर भएका कलैयामा काम गर्नेमा कोरोना पोजिटिभ देखिएको हो। हालसम्म कोरोना संक्रमितको संख्या ६८२ पुगेको छ। ११२ जना डिस्चार्ज भएका छन् भने ४ जनाको मृत्यु भएको छ।
हालसम्म पीसीआर विधिबाट ५१ हजार ६४२ परीक्षण भएका छन्। गत २४ घन्टामा पीसीआर २हजार ९०४ र आरडीटी ५ हजार १६६ नयाँ नमूना परीक्षण भएका हुन्।
