जेष्ठ १२ बीरगञ्ज । पर्सा । नेपालमा कोरोना नियन्त्रण तथा रोकथाम र उपचारमा गंभीर लापरबाही देखिएको छ । सिन्धुपालचोककी सुत्केरी र नरैनापुर बाँकेका २५ बर्षे युवाको मरे पछि मात्रै कोरोना पुष्टी भएर आलोचना भईरहेका बेला बीरगञ्जमा यो भन्दा खतरनाक लापरबाही देखिएको छ ।
बीरगञ्जको नेस्नल मेडिकल कलेजमा उपचार गराएका बाराका ती मृतकको शब कोरोनाको स्वाबको नतिजा एकीन नहुदै परिवारको जिम्मा लगाएर अस्पतालले त्रुटी गरेको स्थानीयले बताएका छन् ।
उनीहरुले शब बुझेकै दिन दाहासंस्कार समेत गरीसकेका छन् । तीन पटक सम्म पिसिआर रिपोर्ट शंकास्पद देखिए पछि थप परीक्षणका लागि टेकु पठाईएको थियो । तर त्यो रिपोर्ट नआईपुग्दै अस्पतालले परिवारलाई शब दिएको थियो ।
अहिले मरेको ८ दिन पछि कोरोना देखिएको कुराले जिल्लामा हंगामा मच्चिएको छ । स्थानीय प्रशासनले अहिले छलफल गरीरहेको छ । यस अस्पतालले लापरबाही गरेर थुप्रै बिरामीको ज्यान गईरहेको भन्दै यस अघि पनि स्थाानीयले बिरोध गर्दै आएका थिए ।
