काठमाडौँ जेष्ठ ११ । डिल्लीबजार कारागार भित्र कुटाकुट भए पछि चौकीदारगोकुल गिरी जिम्मेवारीलाई हटाईएको छ । गिरी डा. उपेन्द्र देवकोटाकी छोरीको अपहरण, लागु औषध लगायतका मुद्धामा ६५ सालदेखि जेलमा रहेका छन् ।
गिरी सहित अन्य १३ जनालाई क ब्लकबाट ख ब्लकमा सारीएको छ ।
गिरीलाई बर्खास्त गरिएसँगै उनले सम्हाल्दै आएको नाइके पद अर्को व्यवस्था नभएसम्मका लागि पिताम्बर पोखरेल र रामचन्द्र कुसवाह (प्यासी) को समूहलाई आन्तरिक प्रशासनको जिम्मा दिइएको छ ।
डिल्लीबजार कारागारका जेलर अरुण पोखरेलले अर्को व्यवस्था नभएसम्मका लागि अस्थायी व्यवस्थापन गर्न उनीहरुलाई नाइके लगायत आन्तरिक प्रशासनको जिम्मा दिइएको बताए । नाइके पदको जिम्मा पाएका पोखरेल नेपाल सरकारका पूर्व शाखा अधिकृत हुन् ।
कुसवाह नेकपा एमाले बाराका तत्कालीन नेता मोहम्मद आलमको हत्या आरोपमा उच्च अदालतबाट दोषी ठहर भएपछि डिल्लबिजार कारागार आइपुगेका हुन् ।