काठमाडौँ जेष्ठ ५ । एमसीसीको विरुद्ध पार्टी भित्र समेत दह्रो अडान लिदै आएका नेकपाका सांसद भीम रावलले फेरी आफ्नै सरकारदेखि प्रतिपक्षी दलका नेता शेर बहादुर देउवासम्मको आलोचना गरेका छन् ।
रावलले आज सदनमा बोल्दै रावलले अमेरिकी सहयोग नियोगसँग गरिएको एमसीसी सम्झौताका परियोजना सरकारले नीति तथा कार्यक्रममा राख्नु राष्ट्रहित विपरीत हुने बताए ।
उनले पछाडीको ढोकाबाट एमसीसी छिराउन खोजेको भन्दै सरकारको आलोचना गरे ।
नीति तथा कार्यक्रममा एमसीसी स्पष्ट रूपमा उल्लेख नगरिए पनि त्यसमा राखिएका विद्युत ट्रान्समिसन लाइनका योजना नीति तथा कार्यक्रममा राखिएका छन् । त्यसलाई सांसद रावलले ुएमसीसी पछाडिको ढोकाबाट आउन खोजेजस्तो भनेर टिप्पणी गरेका छन् ।
देशको स्वाधिनता र हैसियत पैसामा साट्न नसकिने नेता रावलले बताए ।
उनले आफ्नै सरकारमाथि प्रश्न मात्र गरेनन् एमसीसी पास गरीहाल्नु पर्छ भन्ने काँग्रेस सभापति देउवाको समेत बिरोध गरेका छन् ।
भारतसगँको महाकारी सन्धि पनि देउवाले छिटो पास गर्नु पर्छ भन्नु भएको थियो भन्दै देउवाको आलोचना गरे ।
सांसद रावलले नेपालले एकातिर कोरोनाको त्रासबाट कसरी जोगिने भनेर लाग्नुपरेको र अर्कोतिर भारतले भूमि मिचेको कुराको प्रतिरोध गर्नुपर्ने कुरा आइलागेको बताए ।