काठमाडौँ जेष्ठ ३ । काठमाडौं महानगरपालिकाभित्र फोहोर मैला व्यपस्थापनमा खटिने ३१ जना सफाइ कर्मचारीमा र्यापिड डायग्नोस्टिक टेस्ट (आरडीटी) पोजेटिभ देखिएको छ । महानगरको वातावरण व्यवस्था विभागले शुक्रबार महानगरका सफाई कर्मचारीको आरडीटी परीक्षण गरेको थियो । आरडिटीबाट कोरोना पोजेटिभ देखिएसगँै उनीहरु घर जान समेत नमानेपछि कार्यलयमै बस्ने व्यवस्था गरिएको छ ।
महानरभित्र फोहोरमैला व्यवस्थापनमा खटिने ९ सय ३२ जनाको आरडीटी परिक्षण गरिएको महानगको जनस्वास्थ्य शाखाका प्रमुख नरेन्द्रविलास बज्राचार्यले बताए ।
‘३१ जनाको आरडीटी पोजिटिभ देखिएको छ,’ उनले भने, ‘उनीहरुको स्वाब पीसीआर विधिबाट परिक्षण गर्न पठाएका छौं ।’
यसरी आरडीटीबाट पोजेटिभ देखिएकाको पिसिआर नतिजा आए पछि मात्रै संक्रमण भए नभएको अन्तिम टुंगो हुनेछ ।
आरडीटी पोजिटिभ देखिएसँगै सरसफाईकर्मी घर जान नमानेपछि उनीहरुलाई टेकुस्थित वातावरण विभागकै कार्यालयमा बस्ने व्यवस्था मिलाइरहेको विभागका प्रमुख हरिकुमार श्रेष्ठले बताए ।
कोरोनाको आरडीटी पोजेटिभ देखिएकाहरु खाद्यन्न र राहत वितरणमा पनि हिड्ने गरेको बताईएको छ ।