बैशाख ३१ काठमाण्डौं । प्रमुख प्रतिपक्षी दल नेपाली काँग्रेसले सरकारले बेलैमा प्रभावकारी काम नगर्दा अग्र पक्तिमा खटिरहेका स्वास्थ्यकर्मी, सञ्चारकर्मी र सुरक्षाकर्मी संक्रमित हुन पुगेको भन्दै सरकारको आलोचना गरेको छ ।
सरकारले स्वास्थ्य सामग्री खरिद तथा पिसिआर परीक्षणमा ढिलाइ गर्दा यो अवस्था आएको काँग्रेको धारणा छ ।
आज पार्टी मुख्यालय सानेपामा पत्रकार सम्मेलन गर्दै पार्टी प्रवक्ता विश्व प्रकाश शर्माले ५० दिनको बीचमा सरकारले पिसीआर परीक्षणको दायरा बढाउन सकेन,पर्याप्त स्वास्थ्य सामाग्री ल्याउन सकेन भन्दै विरोध जनाए ।
स्वास्थ्य सामाग्रीमा अनियमितता भएको बिषय समेत दुखद भन्दै काँग्रेसले विरोध गरेको छ ।
साथै विदेशमा रोजगारी गुमाएका र अप्ठ्यारोमा परेकालाई स्वदेश ल्याउन पनि शर्माले माग गरे ।
जनता कोरोनाको सन्त्रासमा रहेका बेला प्रधानमन्त्री सत्ताको खेलमा लागेको शर्माले टिप्पणी गरे ।