कञ्चनपुर, २६ बैशाख । विश्वभरी कोरोना भाईरस (कोडिभ १९)ले मानव जातिमाथि नै आतङ्क मच्चाईरहेको छ । कोरोनाको त्रासले मानिसलाई कसरी बाँच्ने सोच्न विवश पारेको अवस्थामा कञ्चनपुरमा एक बालिका माथि बलात्कार भएको छ ।
सरकारले कोरोना रोकथाम तथा नियन्त्रणका लागि (बन्दाबन्दी) लकडाउन गरेकै समयमा २ बैशाखमा कञ्चनपुरकी एक बालिकामाथि बलात्कार भएपनि घरमा ढिलोगरि बताएपछि घटना पाँच दिनपछि घटना बाहिरिएको थियो ।
लकडाउका बेला कञ्चनपुरका स्थानीय केही गहुँ भित्र्राउन व्यस्त छन, घरमै बसेका केही कृषिजन्य काममा पनि व्यवस्त छन् । तर, कञ्चनपुरको भीमदत्त नगरपालिका ११ भुजेलाका एक बृद्धले आफन्त १५ बर्षिया बालिकालाई बलात्कार गरेका छन् । ति बालिका माथि गिद्दे नजर लगाएका ६८ बर्षिया तारा ओझा अहिले प्रहरी फन्दामा परेका छन् ।
उनले बालिकालाई ५० रुपैया दिएर बलात्कार गरेको खुलेको छ । पीडक पक्षले घटना मिलाउन पीडित (बालिका) पक्षलाई दश लाख दिन खाजेपछि प्रहरीले घटना मिलाउन दिएको छैन् । पीडक पक्षले पीडित पक्षलाई दिएको १०लाखको चेक समेत प्रहरीले नियन्त्रणमा लिएको छ । बालिकाले बलात्कार गरेपछि ती ब्याक्तिले कसैलाई नभन्नु भनेर ५०रुपैया दिएको केही अधिकारकर्मीसंग बताएकी छिन् । दुई बिस रुपैयाको नोट र एक दशको नोट दिएर कसैलाई नभन्नु भनेको बालिकाले बताएकी छिन् ।
‘भित्र लगेर बृद्धले आफ्नो कपडा र मेरो कपडा खोलेर बलात्कार गर्याे’, ती बालीकाले भनिन् । बालिकाका एक आफन्तले बालिका ओझाको घरमा गएका बेला मुख च्यापेर जबरजस्ती बलात्कार गरेको बताएका थिए । ‘बृद्ध बुढा बालिकाका आफन्त नातेदार हुन, ‘बालिकाका आफन्तले भने, ‘सोच्दै नसोचेको घटना गराईयो । घरयासी कामकाजले बालिका बृद्धको घरमा गएका बेला सबै गहुँ काट्न गएको मौकामा बृद्धले आफ्नै घरमा बालिकालाई बलात्कार गरेको पीडित पक्षको आरोप छ ।
पीडित पक्षले बृद्ध ओझाका नाममा जिल्ला प्रहरी कार्यालय कञ्चनपुरमा किटानी दिएका थिए । ओझा बिरुद्ध जबरजस्तीकरणी उद्योगमा दिएको किटानीका आधारमा कञ्चनपुर प्रहरीले बृद्धलाई भोलीपल्टै पक्राउ गरेको थियो । जिल्ला प्रहरी कार्यालय कञ्चनपुरले घटना बारे अनुसन्धान भईरहेको जनाएको छ ।
कञ्चनपुरका प्रहरी प्रवक्ता रविन्द्र पौडेलले बृद्ध पक्राउ गरि अनुसन्धानको काम अन्तिम चरणमा पुगेको बताए । पीडक पक्षले पीडितलाई घटना मिलाउन दिएको चेक पनि नियन्त्रणमा लिएरको प्रवक्ता पौडेलले बताए ।
साना नानीहरूलाइ बृद्व व्याक्तिहरूबाट
नाति पनातिनी सरह बालिकामाथि भएका यस्ता घटनाप्रति समाजिक रुपमा चिन्ता व्यक्त गरिएको छ । कञ्चनपुरका महिला अगुवाहरुले लकडाउनको मौकाछोपी बालिका, किशोरी एव महिलामाथि हुने घटनाको सत्यतथ्य छानबिन गरेर दोषि उपर कानुनी कार्बाहीको माग अघि सारेका छन् । अधिकारकर्मी माया नेगीले अपराधी जो सुकै जस्तो सुकै किन नहुन् महासंकटको घडीमा यस्ता काम गर्ने गराउने व्यक्तिहरुमाथि थप कार्बाहीको माग अघि सारिन् ।
लकडाउनका समयमा कञ्चनपुरमा आत्महत्याका साथै किशारी महिलामाथिका बलात्कार, यौनजन्य हिंसा रोकिएका छैनन् ।
