बैशाख २४ काठमाण्डौं । नेकपाको पूर्व निर्धारीत सचिवालयको बैठक जारी थियो प्रधानमन्त्रीको सरकारी निवास वालुवाटारमा । त्यसको मुख्य अध्यक्षता प्रधानमन्त्री समेत रहेका पार्टी अध्यक्ष ओलीको थियो । यस अघि अरु सचिवालय सदस्य जस्तै लाइृनमा राखिने अर्का अध्यक्ष प्रचण्ड २० गतेदेखि मात्रै अध्यक्ष ओलीसगँ एउटै रोमा बस्न थालेका थिए ।
२० गतेको सचिवालयको बैठक सम्म आउदा अध्यादेश लगायतका बिषयले चरम विवादमा फसेको नेकपाको अन्तरविरोध केही समयलाई समाधान भएको ठानिएको थियो ।
तर वरिष्ठ नेता माधव कुमार नेपालले शुरु देखि नै राख्दै आएको एक व्यक्ति एक पदको अडानमा ९ जना सचिवालय सदस्य मध्य धेरै जसो त्यही पक्षमा उभिएर चर्काचर्की गर्न थाले पछि प्रधानमन्त्री ओली बैठकलै छाडेर हिडेका थिए ।
उनी पार्टी अध्यक्ष र प्रधानमन्त्री दुबै पद तत्काल छाड्ुने मनशायमा नरहेको नेताहरुको बुझाई छ ।
यसअघि बैठकमै राजीनामा मागेका नेताहरुले आज एक व्यक्ति पद अन्तर्गत हुनु पर्ने अडान राखे पछि भोली बस्ने स्थायी समितिको बैठक नै अन्यौलमा पार्ने गरी नेताहरु उठेका छन् ।
त्यस पछि ओली र प्रचण्डले छलफल गरेर निष्कर्ष निकाल्ने भन्दै जानकारी दिए पछि अरु घर फर्किएका छन् भने ओली र प्रचण्डले बालुवाटारमा छलफल गरीरहेका छन् ।
बैठक पछि पत्रकारहरुलाई प्रतिकृया दिदै प्रवक्ता नारायणकाजी श्रेष्ठले भोलीको बैठकको एजेण्डा वा बैठक नै के गर्ने भन्ने बिषयमा दुई अध्यक्षले गृहकार्य गरे पछि तय हुने सञ्चारकर्मीलाई प्रतिकृया दिए ।
उनले अध्यक्ष ओलीले बैठक छाडेर हिडेको बिषयमा जिज्ञासा राख्दा केही शारीरीक र केही व्यवस्तताको कारणले हिडेको दाबी गरे ।
यसले नेकपा भित्रको अन्तरविरोध अझै समाधान नभईसकेको स्पष्ट देखिएको छ ।