बैशाख २० काठमाडौँ । आज ४ बजेका लागि बोलाईएको सचिवालयको बैठक केही समय स्थगित गरेर प्रधानमन्त्री केपी ओलीलले नेता वामदेव गौतमसँ छलफल गरीरहेका छन् । प्रधानमन्त्रीले आफूले कोरोना पछि राजीनामा दिने र त्यस पछि वामदेव गौतमलाई प्रधानमन्त्री बनाउने प्रस्ताव गरे पछि गौतमले लिखित निर्णय हुनु पर्ने माग गरेका थिए । बैठक साढे ५ बजेका लागि सारिएको छ ।
सत्तारुढ नेकपा अध्यक्ष तथा प्रधानमन्त्री केपी शर्मा ओली पार्टी उपाध्यक्ष वामदेव गौतमसँग छलफल गरिरहेका छन् । सचिवालय बैठक साढे ५ बजेका लागि सारेर उनी गौतमसँग छलफलमा लागेका हुन् ।
प्रधानमन्त्री ओलीले उपाध्यक्ष वामदेव गौतमलाई बालुवाटार बोलाएर छलफल गरेका हुन् । यसअघिको सचिवालय बैठकमा कोरोनाको उन्मुलन भएपछि आफूले राजीनामा गरेर गौतमलाई प्रधानमन्त्री बनाउने प्रस्ताव ओलीले राखेका थिए । पार्टीभित्र विवाद बढ्दै गएपछि ओलीले प्रधानमन्त्रीमा गौतम र पार्टीको तेस्रो अध्यक्षमा माधवकुमार नेपालको नाम प्रस्ताव गरेका थिए । नेता नेपालले उक्त प्रस्ताव अस्वीकार गरेका छन् ।