सांसद डा. सुरेन्द्र यादव अपहरणको मुद्धा टेकु प्रहरीले जाहेरी लिन नमाने पछि जिल्ला सरकारी वकिलको कार्यलयमा मुद्धा दर्ता गर्न पुगेका जनता समाजवादी पार्टीका नेता राजेन्द्र महतोले मुद्धा दर्ता नभए पछि बाहिर सञ्चारकर्मीहरुलाई प्रतिकृया दिन शुरु गरे लगत्तै नेकपाका कार्यकर्ताले बाबुराम भट्टराईलाई देशद्रोही र हत्यारा भन्दै नारा लगाए ।
त्यो नाराबाजी पछि महतोले आफ्नो मन्तव्य छोट्याए । त्यस पछि संघीय समाजवादीका कार्यकर्ताले समेत अपहरणकारीलाई कार्बाही गर जस्ता नारा लगाएका थिए ।
लकडाउन भनिए पनि दुई पक्षका कार्यकर्ताको नाराबाजी र ठूलो संख्यामा सुरक्षाकर्मीको तैनाथीले लकडाउन भएको अनुभूति हुदैन थियो ।
सांसद अपहरणको मुद्धामा पूर्व आईजीपी सर्वेन्द्र खनाल, नेकपाका सांसद महेश बस्नेत, किसन कुमार श्रेष्ठ विरुद्ध अपहरण सम्बन्धि मुद्धा दायर गर्न संघीय समाजवादी लागिपरेको छ । भने नेकपाको युवा संघ र अखिल बाबुराम भट्टराई, हिसिला यमि लगायतका विरद्ध मुद्धा दर्ता गर्न टेकु र सरकारी वकिलको कार्यलयमा पछि पछि पुगेको थियो । दुवै पक्षको मुद्धा दर्ता अहिले सम्म भएको छैन ।
