बैशाख १६ काठमाण्डौं । समाजवादी पार्टीका नेता तथा वकिलहरु महोत्तरीका सांसद डा. सुरेन्द्र यादवको अपहरणमा संलग्न रहेको भन्दै पूर्व आईजिपी सर्वेन्द्र खनाल, महेश बस्नेत र किसान कुमार श्रेष्ठ विरुद्ध अपहरण अभियोग दर्ता गर्न सरकारी वकिलको कार्यलयमा पुगेका छन् । पीडित भनिएका संसाद डा. सुरेन्द्र यादव पनि त्याहाँ उपस्थित भएका छन् । वकिलको कार्यलयले समेत अहिले सम्म मुद्धा दर्ता गर्न नमानेको छ र प्रहरीले जस्तै महोत्तरीमै जान भनीरहेको समाजवादीका एक नेताले जानकारी दिए । तर उनीहरु अहिले सम्म सरकारी कार्यलय छाडेर हिडेका छैनन् ।
यस अघि महानगरीय प्रहरी परिसर टेकुले जाहेरी लिन अस्वीकार गरे पछि यसको बिरोध हुदै आएको थियो ।
अहिले सरकारी वकिलको कार्यलयमा अपहरण अभियोग दर्ताका लागि कानुन व्यवशायीहरुको साथमा उपेन्द्र यादव, राजेन्द्र महतो , अशोक राई लगायतका नेता पुगेका छन् ।