पूर्वसचिव भीम उपाध्यायविरुद्ध आज थुनछेक बहस, एक लाख जरिवाना र ५ वर्षसम्म कैद मागदाबी

पूर्वसचिव भीम उपाध्यायविरुद्ध आज थुनछेक बहस, एक लाख जरिवाना र ५ वर्षसम्म कैद मागदाबी

  • सोमवार, बैशाख १५, २०७७
  • मिर्मिरे अनलाइन

  • 7.2K
    SHARES

वैशाख १४, काठमाडौँ । पूर्वसचिव भीम उपाध्यायविरुद्ध आज थुनछेक बहस हुँदै छ । राष्ट्रपति र प्रधानमन्त्रीविरुद्ध जथाभावी लेखेको आरोपमा प्रहरीले पूर्वसचिव उपाध्यायमाथि विद्युतीय कारोबार ऐन उल्लंघन गरेको आरोपमा मुद्दा चलाएको छ ।

जिल्ला अदालत काठमाडौंमा दायर आरोपपत्रमा उपाध्यायमाथि एक लाख रुपैयाँ जरिवाना र ५ वर्षसम्म कैद मागदाबी गरिएको छ ।
नजिबुल्लाह अन्सारीले गृह मन्त्रालयमा दिएको निवेदनका आधारमा उपाध्यायमाथि मुद्दाको प्रक्रिया अघि बढेको जिल्ला अदालत स्रोतले बतायो। तर अन्सारी को हुन् र उपाध्यायले सामाजिक सञ्जालमा के लेखेका कारण उनी पीडित भए भन्ने खुल्दैन। अन्सारीको निवेदन गृह मन्त्रालयले प्रहरीमा पठाएको थियो।

पूर्वसचिव उपाध्यायसहित ११ जना संलग्न भएको भनी निवेदन परे पनि प्रहरीले भने उनलाई मात्रै मुद्दा चलायो। पछिल्लो सातामा पोस्ट गरेका चारवटा विषयवस्तुलाई आधार मानेर उपाध्यायसँग बयान भएको उनका एक कानुन व्यवसायीले बताए।
आरोपपत्रमाथि आज सोमबार नै बयान भएर थुनछेक बहस हुनेछ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ