काठमाडौं, १४ वैशाख । लकडाउनको समय थप गर्ने या नगर्ने भन्नेवारे निर्णय गर्न आज मन्त्रीपरिषद बैठक बस्दै छ ।
लकडाउनकोसमय सकिन एक दिन बार्कीँ छदा आज बस्ने मन्त्रीपरिषद्को बैठकले लकडाउन थप गर्ने या नगर्ने भन्नेबारे निर्णय गर्दैछ ।
चैत ११ बाट सुरु भएको लकडाउन तेस्रोपटक थपिएको थियो। भोली बैशाख १५ गते लकडाउनको सकिन अवधि सकिदैँ छ ।
सरकारलाई कोरोना संक्रमण रोकथाम तथा नियन्त्रण उच्चस्तरीय समन्वय समितिले देशव्यापी ‘लकडाउन’ अझै एक साता बढाउन सुझाव दिएको छ ।
शनिबारको समितिको बैठकले मुख्यसचिव लोकदर्शन रेग्मीको नेतृत्वमा रहेको कार्यदललाई लकडाउनको विषयमा सुझाव दिन निर्देशन दिएकोमा कार्यदलले अझै एक साता थप गर्न सिफारिस गरेको थियो ।
विभिन्न मन्त्रालयका सचिव तथा सुरक्षा निकायका प्रतिनिधिहरुसमेत सहभागी कार्यदलले वैशाख १५ गतेपछि एक साता लकडाउन बढाउनुपर्ने र त्यसपछि नयाँ ‘मोडेल’मा जानुपर्ने निष्कर्षसहितको सुझाव दिएको थियो ।
उच्चस्तरीय समितिले कार्यदलको सुझावअनुसारकै सिफारिस प्रधानमन्त्री केपी शर्मा ओलीलाई गरेको बुझिएको छ ।
आज बस्ने मन्त्रिपरिषद्को बैठकले अन्तिम निर्णय लिने छ ।
समितिले आन्तरिक र बाह्य हवाई उडानमा लगाइएको रोक जेठ २ गतेसम्म बढाउने निर्णय गरेको छ । यसअघि वैशाख १८ गतेसम्म उडान बन्द गर्ने निर्णय भएकोमा त्यसलाई १५ दिन बढाइएको हो ।