देउवाद्धारा सांसदलाई अपहरणको शैलीमा ल्याउने पूर्व आईजिपी खनाल सहितलाई कार्बाही गर्न माग

देउवाद्धारा सांसदलाई अपहरणको शैलीमा ल्याउने पूर्व आईजिपी खनाल सहितलाई कार्बाही गर्न माग

विदेशमा रहेका श्रमिकका बारेमा के गर्ने तत्काल योजना बनाएर कार्यन्वयन थाल्नुस्

  • शुक्रबार, बैशाख १२, २०७७
  • मिर्मिरे अनलाइन

  • 8.2K
    SHARES

बैशाख १२ काठमाडौँ । नेपाली काँग्रेसका सभापति शेर बहादुर देउवाले समाजवादी पार्टीका सांसदलाई अपहरणको शैलीमा राजधानी ल्याउने कार्यमा संलग्नहरुलाई कार्बाही गर्न प्रधानमन्त्रीको ध्यानाकर्षण गराएका छन् ।
विवादीत अध्यादेश फिर्तालिएकोमा प्रधानमन्त्रीलाई धन्यवाद दिदै सांसद कब्जा काण्डमा संलग्नलाई कार्बाही गर्न माग गरेका हुन् ।
प्रधानमन्त्री निवास बालुवाटारमा आज प्रधानमन्त्रीलाई भेटेरै देउवाले यस्तो ध्यानाकर्षण गराएका हुन् ।
कांग्रेसका मुख्य सचिव कृष्णप्रसाद पौडेलले जारी गरेको प्रेस नोटमा देउवाले एक सासदलाई अपहरणको शैलीमा काठमाण्डौं ल्याउनेमाथि कार्बाहीको माग देशभर उठेको छ , मेरो पनि माग यही छ दोषीमाथि निस्पक्ष छानविन र अनुसन्धान गरी कार्बाही गर्नु पर्छ भनेर प्रधानमन्त्रीसगँ माग गरेको उल्लेख छ ।
समाजवादी पार्टी फुटाउन सो पार्टीका सांसद डा. सुरेन्द्र यादवलाई नेकपाका सांसदहरु महेश बस्नेत र किसान श्रेष्ठ तथा पूर्व आइजिपी सर्वेन्द्र खनालले अपहरण गरेर काठमाडौं ल्याएको समाजवादी पार्टीको दाबी छ ।
समाजवादी पार्टी फोर्ने उद्देश्यले ओलीकै निर्देशनमा उनको अपरहण गरिएको आरोप समाजवादीले आरोप लगाएको थियो । यादवलाई बस्नेत, श्रेष्ठ र खनालले काठमाडौं ल्याएका भए पनि समाजवादी र राजपाबीच एकता भएपछि उनी काठमाडौंको मेरियट होटलबाट फुत्केर बाहिर जान सफल भएका थिए ।
स्वास्थ्यकर्मीलाई हतोत्साहित नबनाउन, श्रमिकलाई खान दिन र गाँउ जान दिन पनि देउवाले माग गरेको प्रेस नोटमा उल्लेख छ । सबै श्रमिक, विद्यार्थी र पीडित नागरिकका लागि अर्को राहत प्याकेज ल्याउन देउवाको माग छ ।
त्यसै गरी विदेशमा रहेका श्रमिक नेपालीहरुलाई तत्काल उद्धार गर्ने बारे योजना ल्याउन समेत देउवाले माग गरेका छन् ।
’बिदेशमा रहेका नेपालीले हिजो देशलाई रेमिटेन्स पठाएर योगदान गरे, आज उनीहरु अप्ठ्यारोमा परेका छन्। त्यस्तो स्थितिमा रहेका नेपालीलाई उद्दार गर्ने बारे तत्काल योजना सार्वजनिक गर्नोस् र कार्यान्वयन थाल्नोस्,’ देउवाले प्रधानमन्त्रीसगँ माग गरेका छन् ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ