नेपालकी ८१ बर्षे महिलाले जितिन् कोरोना, अर्का ५८ वर्षे पुरुष पनि निको भएर घर फर्किए

नेपालकी ८१ बर्षे महिलाले जितिन् कोरोना, अर्का ५८ वर्षे पुरुष पनि निको भएर घर फर्किए

  • बिहिबार, बैशाख ११, २०७७
  • मिर्मिरे अनलाइन

  • 13.2K
    SHARES
corona

काठमाडौं, ११ वैशाख ।
कोरोना संक्रमित दुई जना आज निको भएर घर फर्किएका छन् । पाटन अस्पतालमा उपचारत कागेश्वरी मनोहरा नगरपालिका ९ पेप्सिकोलास्थित सनसिटी अपार्टमेन्टमा बस्दै आएका ५८ वर्षीय पुरुष र ८१ वर्षीय महिला बिहीबार डिस्चार्ज भएको स्वास्थ्य मन्त्रालयले जनाएको छ।

यो संगै नेपालमा कोरोना संक्रमण भएर निको भई डिस्चार्ज हुनेको संख्या ९ पुगेको छ।  काठमाडौंको पेप्सिकोलाका पुरुष र महिला निको भएर डिस्चार्ज भएको आज स्वास्थ्य तथा जनसङ्ख्या मन्त्रालयले आयोजना गरेको नियमित पत्रकार सम्मेलनमा मन्त्रालयका प्रवक्ता डा विकाश देवकोटाले जानकारी दिनुभयो ।

काठमाडौंको पेप्सीकोला टाउन प्लानिङस्थित सनसिटी अपार्टमेन्टबाट उनीहरुलाई संक्रमण पुस्टि भएपछि वैशाख १ गते पाटन अस्पताल भर्ना गरिएकाे थियाे ।उनीहरु गत चैत्र ५ गते नेपाल बेलायतबाट नेपाल आएका थिए।

आरडीटी प्रविधिबाट परीक्षण गर्दा उक्त अपार्टमेन्टमा बस्दै आएका एकै परिवारका तीनजनामा कोरोना संक्रमण देखिएको थियो। पुन: परीक्षण गराउँदा दुईजनामा मात्र संक्रमण देखिएको थियो।

उनीहरुलाई मूलपानीस्थित नगर अस्पतालका सुरक्षाकर्मी र सेनाको टोलीले र्‍यापिड टेस्ट प्रविधिमार्फत परीक्षण गरेको थियो।  नमूना रिपोर्टमा पोजेटिभ देखिएपछि पुन: परीक्षण गर्दा कोरोना रिपोर्ट नेगेटिभ आएको थियो।

यस्तै बिहीबार थप दुईजनामा कोरोना संक्रमण देखिएको छ।कोरोना संक्रमितको संख्या ४७ पुगेको छ। थप दुई जनामा कोरोना भाइरस (कोभिड-१९) पोजिटिभ देखिएको स्वास्थ्य तथा जनसंख्या मन्त्रालयले जनाएको छ।

नियमित पत्रकार सम्मेलनमा बोल्दै मन्त्रालयका प्रवक्ता डा. विकास देवकोटाले बिहीबार राष्ट्रिय जनस्वास्थ्य प्रयोगशाला, टेकुमा भएको परीक्षणमा जनकपुरका १४ वर्षीय बालक र उदयपुरकी ५५ वर्षीया महिलामा कोरोना पोजिटिभ देखिएको जानकारी दिए। यो सँगै संक्रमितको संख्या ४७ पुगेको हो।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ