कोरोनाका कारण दुनियाभर धेरै मानिसले आफ्ना प्रियजनहरु गुमाईरहेका छन् । त्यस्तो अवस्थामा धेरैको ज्यान गएको छ जतिखेर उनका आफन्तहरु छेउमा बस्न पाउदैनन् । । एबी एडेयर रीनहार्डका बाबु पनि न्यूयोर्क अमेरीकाको एउटा अस्पतालमा अन्तिम सास लिदै थिए । त्यतिखेर उनले आफ्नो बाबुसगँ अन्तिम पलमा कुरा गर्ने चाहना राखिन् । यही बेला एउटी नर्सले उनलाई मद्धत गरिन् र फोनबाट उनीसगँ कुरा गराईन् । एवी र उनका तीन भाईबहीनीले ३० घण्टा भन्दा बढी समय कुरा गरिरहे । त्यतिबेला सम्म उनीहरु बोलिरहे जब सम्म उनीहरुका पिताले अन्तिम सास लिएनन् । रीनहार्डले भनिन्, मलाई थाहा थियो कि म मेरो पितासगँ अन्तिम पटक कुरा गर्दैछु ।
उनले तीस घण्टा पनि आफुहरुको लागि निकै कम थियो भनिन् । उनलाई देख्न सकिदैन थियो । उनको हात समाप्त पाईने थिएन । अन्तिम क्षणमा उनको आवाज सुन्न …म यसको बयान गर्न सक्दिन । भावुक हुदै उनले भनिन् । ती छोराछोरीहरुले उनीहरुको बाबुको कुरा एक अर्कामा साझा गरे । उनीहरुले आफ्ना पिताका लागि प्रेमको गीत गाए ।
उनले भनिन्,यो तीस घण्टा पनि हाम्रो लागि कम थियो । हामी हरेक राम्रो क्षणलाई पितासगँ शेयर गर्न चाहन्थ्यौँ । तर उनले सास फेर्न गाह्रो भएको महसुस गथ्र्यौ हामी । तै पनि बाबुको सास फेराई सुनेर हामी उनी जीवित रहेकोमा खुसी हुन्थ्यौँ ।
अमेरीकामा एक संक्रमित वृद्धासगँ उनका छोराछोरीले प्राण जानु अघि सम्म घण्टौ कुरा गरेको यो दर्दनाक खबर अमेरीकी समाचार संस्था सिएनएनले प्रकाशित गरको थियो ।
