बैशाख ११ एजेन्सी । अमेरीकी राष्ट्रपति डोनाल्ड ट्रम्पले आप्रवासीहरुले स्थायी बसोबासका लागि लिएको ग्रिनकार्ड ६० दिनका लागि निलम्बन गर्ने आदेशमा हस्ताक्षर गरेका छन् । ह्वाईट हाउसका अनुसार यो अवधि बढ्न पनि सक्छ ।
यो अमेरीकी नागरिकहरुको रोजगारी सुनिश्चितताका लागि चालिएको कदम भनेर ट्रम्पले बचाउ गर्न खोजे पनि यो उनको शुरु देखिकै आप्रवासीहरुमाथि कठोर नीतिको उपज भएको प्रतिकृया आएको छ ।
यसले तत्काल अनुमति लिएर काम गरीरहेकाहरुमा असर नपर्ने भनिए पनि ग्रिनकार्ड लिए पछि आश्रित परिवारलाई समेत अमेरीका लैजाने र त्याहाँको नागरिक सरह पाउने काम तथा सुविधामा कटौती हुने चिन्ता बढेको छ ।
यसले अमेरीकामा एशिया अफ्रीका लगायतका महादेशबाट पुगेका दशौँ लाख आप्रवासीहरुमा चिन्ता बढाएको छ । ग्रिनकार्ड होल्डरले आफ्नो परीवारलाई लाने कुरामा यसले बाधा पार्ने छ । साथै रोजगारीमा ग्रिनकार्ड लिएका भन्दा अमेरीकाकै नागरिकलाई प्राथमिकता दिईने भएकाले आप्रवासीमाथि थप विभेद हुने देखिन्छ ।
तर यो अमेरीकी व्यवस्था र कानुनको प्रतिकुल देखिएकाले अदालतमा बहस हुन सक्ने अनुमान गरिएको छ ।
