वीरगन्ज, ९ वैशाख । साेमवार राति परेकाे वर्षासँगै आएकाे हावाहुरीले वीरगन्जको नारायणी अस्पतालको आइसोलेसन वार्डमा क्षति पुगेकेा छ ।
कोरोनाका चार जना संक्रमितहरु उपचारत रहेकै आइसोलेसन वार्डमा हावाहुरीले क्षति पुर्याएको हो। हावाहुरीले आइसोलेसन वार्डको २ तिर एल्मुनियम र सिसाले बनाइएको पर्खाल हावाहुरीले भत्काइ दिएको छ।
हावाहुरीले आइसोलेसन वार्डको पर्खाल भत्काइ दिएपछि वार्डमा रहेका चार संक्रमितलाई सोमबार राति नै आइसीयु वार्डमा सारिएको अस्पतालका मेडिकल सुपरीडेन्टेन्ट डाक्टर मदन उपाध्यायले जानकारी दिए।
हावाहुरीले वार्डको २ तिरको पर्खाल भत्काएर वार्डभित्रै पानि पसेपछि तत्कालै संक्रमितलाई आइसीयु वार्डमा सारेर उपचार गरिरहेकाे उनले बताए ।
भत्किएको वार्ड मर्मत गर्ने तयारीमा रहेकेा जानकारी दिदैँ उनले तत्काललाइ संक्रमितलाई राख्ने स्थानको कमी नरहेकेा बताए ।
चिकित्सकको आग्रहमा जगदम्बा ग्रुप, रुङगटा वेयल फेयर सोसाइटी र लायन्स क्लब वीरगन्जले २ हप्ता पहिले नारायणी अस्पतालको आकस्मिक कक्ष भवन माथिको छतमा १० लाख रुपैयाँको लागतमा २० शैय्याको आइसोलेसन वार्ड बनाइ दिएका थिए।