बालुवाटारमा सचिवालय बैठक जारी , त्यस अघि के के भयो ?

बालुवाटारमा सचिवालय बैठक जारी , त्यस अघि के के भयो ?

  • सोमवार, बैशाख ८, २०७७
  • मिर्मिरे अनलाइन

  • 6.7K
    SHARES

बैशाख ८ काठमाण्डौं । आज अप्रत्यासित रुपमा सरकारले दल विभाजन गर्न ४० प्रतिशत संसद या पार्टी सदस्य भए पुग्ने गरी अध्यादेश ल्याउने निर्णय पछि ठूलो तरंग गएको नेकपाको सचिवालयको बैठक बालुवाटारमा जारी छ ।
मन्त्रीपरिषद्को निर्णय पछि आश्चर्यमा परेका पूर्व माओवादी समुहका मन्त्रीहरु खुमलटार स्थित प्रचण्ड निवासमा गएर अलग्गै छलफल गरे ।
त्यस छलफलमा यो पार्टी विभाजनको मनशाय सहित अध्यादेश आएको भन्दै यसलाई फिर्ता लिन अध्यक्ष प्रचण्डले प्रस्ताव गर्ने सहमति भयो । साथै प्रचण्डले पूर्व माओवादी समुहका कोही पनि नेताहरुलाई राजधानी नछाड्न निर्देशन दिईयो ।
नेकपाको ४४ सदस्यीय स्थायी समितिमा पूर्व माओवादी समुहका १८ जना छन् , प्रधानमन्त्री ओली पक्षका १२ जना छन् भने भने माधव नेपाल, झलनाथ खनाल र वामदेवको गरी १३ जना रहेका छन् । प्रचण्ड निकट एक स्थायी समिति सदस्य अग्नी प्रसाद सापकोटा सभामुख भएका छन् ।
त्यस पछि प्रचण्ड र प्रधानमन्त्री ओलीबीच फोनमा कुराकानी भयो । जसका आधारमा उनीहरुले आकस्मिक सचिवालयको बैठक बोलाएर बालुवाटारमा जुटेका छन् ।
प्रचण्ड पक्षधर नेताहरुले पार्टी फुटाउने मनशायले अध्यादेश ल्याएको बुझाई बनाएका छन् ।
तर ओली निकट नेताहरुले सामाजिक सञ्जालमा स्टाटस लेख्दै यो अध्यादेशले पार्टी नफुट्ने बताएका छन् ।
ओली निकट मानिने ५ नं प्रदेशका मुख्य मन्त्री समेत रहेका नेता शंकर पोखरेलले अत्यादेश, ऐन नियमतले पार्टी फुट्ने पनि हैन, जुट्ने पनि हैन भन्दै नआपत्तिन अपील गरेका छन् ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ