काठमाडौं, २ बैशाख ।
विश्वव्यापी महामारीको रुपमा फैलिएको कोरोना भाइरसको संक्रमण नेपालमा पनि बढ्दै गएको छ। मंगलबारसम्म र्यापिड किट र पीसीआर विधिबाट १२ हजार ९०६ जनाको नमुना परीक्षण गर्दा १६ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ। नेपालमा कोरोना पुष्टि हुनेमा १९ वर्षीया युवतीदेखि ८१ वर्षीया वृद्धासम्म रहेका छन् ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार संक्रमित १६ मध्ये पहिलो पटक संक्रमित देखिएका एकजना निको भएर घर फर्किसकेका छन्। १५ जनाको भने विभिन्न अस्पतालमा उपचार भइरहेको छ ।
पाँचजनाको कैलालीको धनगढीस्थित सेती प्रादेशिक अस्पतालमा उपचार भइरहेको छ भने चारजनाको वीरगन्जस्थित नारायणी अस्पतालमा उपचार जारी छ । अन्य ६ जनामध्ये शुक्रराज ट्रपिकल तथा सरुवारोग अस्पताल टेकु, पाटन अस्पताल लगनखेल र धौलागिरी अस्पताल बागलुङमा दुई÷दुई जनाको उपचार भईरहेको छ ।
अहिलेसम्म देशभरका क्वारेन्टाइनमा पाँच हजार ७७१ को उपचार भईरहेको छ । उपत्यकामा १२ र बाहिर ८७ गरेर ९९ बिरामी आइसोलेसनमा छन्।
सोमबार राजधानीकै पेप्सिकोलाका र्या्पिट किटबाट परिक्षण् गर्दा तीन जनामा पोजेटिभ देएिपछि राष्ट्रिय प्रयोगशालामा गरिएको पुनः परीक्षणमा दुई जनामा पोजेटिभ भएको पुष्टि भएको छ। एकजनाको भने पुनः परीक्षण भइरहेको छ।
नयाँ संक्रमित दुवै जना बेलायतबाट चैतको पहिलो साता नेपाल फर्किएका हुन्। संक्रमित ५८ वर्षीय पुरुष र ८१ वर्षीया महिला छन् ।
अहिलेसम्म ५६ जिल्लामा र्या्पिड किटबाट कोरोना परीक्षण सुरु भएको छ। अब २१ जिल्लामासमेत चाँडै परीक्षणको दायर बढाइने प्रवक्ता देवकोटाले जानकारी दिनुभयो ।
https://www.mirmireonline.com/wp-content/uploads/2020/04/COVID-19-press-2-baishak.pdf