चैत्र २८ गते । मिर्मिरे अनलाईनमा बुधबार चैत्र २६ गते नाम्लोले बोकेर मृगौला पीडित श्रीमतिलाई अस्पताल लैजादै गरको धादिगंका डम्बर सिंखडाको बिषयमा समाचार प्रकाशित भए पछि सिंखडा परिवारले राहत पाउन थालेको छ ।
यो समाचार पढे पछि बागमती प्रदेश अन्तर्गत काठमाण्डौं क्षेत्र नं एक का सांसद दिपेन्द्र श्रेष्ठको पहलमा १०० ( हन्ड्रेड ) ग्रुपको समन्वयमा सिंखडा परिवारलाई उनको डेरामै पुगेर आज एघार हजार रुपैया आर्थिक सहयोग प्रदान गरिएको छ ।
समाज सेवामा सक्रिय यस ग्रुपका संयोजक मदन धुँजु श्रेष्ठको संयोजनमा उक्त रकम संकलन गरी सिंखडाको डेर सामाखुसीमा पुगेर प्रदान गरिएको हो ।
अन्य सहयोग गर्नेहरुमा जनदीशचन्द्र बराल,दिलीप थापा,आरके श्रेष्ठ,तीर्थलाल महर्जन र दीपेन्द्र तण्डुकार थिए ।
सासद श्रेष्ठ सहितको टोलीले सिंखडा परिवारलाई राहत प्रदान गर्दै आफूहरुले सबै दुखी, असहाय, विपन्नहरुलाई निरन्तर सहयोग गरीरहेको भन्दै समाचार पढे पछि सहयोग गर्नु पर्छ भनेर छलफल गरेर यो सहयोग गरिएको बताए ।

मृगौला पीडित सिता सिंखडालाई सहयोग प्रदान गर्दै सांसद दिपेन्द्र श्रेष्ठ सहितको टोली ।

पीडित डम्बरले सहयोग पाएकोमा खुसी व्यक्त गर्दै श्रीमति, बच्चा पनि समस्या भए पछि दुखः भएको त्यस अघि श्रम गरेर परिवार पालेको भन्दै सहयोग दिने सांसद श्रेष्ठ सहित सहयोगी समुहलाई धन्यवाद दिए ।