बीरगञ्ज चैत्र २७ । हिजो भारतीय भूमिमा पुगेर नेपालीहरु राखिएको क्वारेन्टाईनको अवलोकन गरेर फर्किएका पर्सा क्षेत्र नं एकका सांसद प्रदीप यादवलाई क्वारेन्टाईनमा राख्नु भन्ने गृहमन्त्रालयको निर्देशन बारे आफूलाई थाहा नभएको उनले प्रतिकृया दिएका छन् ।
मिर्मिरेअनलाईनसगँ कुरा गर्दै सांसद यादवले आफूले विश्व स्वास्थ्य संगठनको मापदण्ड अनुसारै दुरी कायम गरेर सोधीखोजी गरेको , थुप्रै नेपालीहरु त्याहाँ रहेकोले सिमाका सांसद पनि भएकाले उनीहरुको अवस्था के छ भनेर बुझ्न जानु अघि जिल्ला प्रशासन कार्यलयको अनुमति र प्रहरीलाई पनि जानकारी गराएर गएको बताए ।
अहिले गृहको निर्णयबारे थाहा नभएको भन्दै घरैमा बसिरहेको यादवले बताए । यद्यपि, पर्साका सिडिओ विष्णु कुमार कार्कीले सांसद यादवलाई फोन गरेर होम क्वारेन्टाईनमै बसेर सहयोग गरिदिन पर्यो भनेर आग्रह गरेका छन् । सांसद यादवले विज्ञप्ति निकालेर आधिकारीक धारणा सार्वजनिक गर्ने तयारी भएको उनको सचिवालय स्रोतले जनाएको छ ।
गृहमन्त्रालयले भने अनाधिकृत रुपमा भारत गएर क्वारेन्टाईनमा पुगेर फर्किएकाले अनिवार्य क्वारेन्टाईनमा राख्न आज निर्देशन दिएको थियो ।
अहिले पर्सामा सांसद यादव निकै सक्रिय रुपमा खटिरहेको स्थानीयको प्रतिकृया रहेको हाम्रा संवाददाताले जनाएका छन् ।