चैत्र २६ काठमाडौँ । अति महगोमा ज्वरो नाप्ने थर्मल गन बेचेर कालोबजारी गरेको आरोपमा पक्राउ परेका व्यापारी सुलभ अग्रवाललाई सात दिन हिरासतमा राख्न जिल्ला प्रशान कार्यलय काठमाण्डौले अनुमति दिएको छ ।
अग्रवाललाई मङ्गलबार महानगरीय प्रहरी अपराध महाशाखाको टोलीले पक्राउ गरेको थियो । पक्राउ परेका अग्रवाललाई प्रहरीले बुधवार नै सरकारी वकिल कार्यालयमार्फत म्याद थपका लागि सिडिओ कार्यालयमा पेश गरेको थियो ।
जनता संकटमा परेका बेला सामान्य थर्मल गन समेत १५ हजार रुपैया प्रतिगोटाले उनले बिक्री गर्ने गरेको पत्ता लाए पछि प्रहरीले ग्राहक बनेर रंगेहात नियन्त्रणमा लिएको थियो । उनले चीनबाट २० हजार थर्मल गन ल्याएका थिए । उनी नेपालका लागि कीर्गिस्तानका अवैतनिक दुत समेत भएको र त्यो हैसियतले उनले कुननीटिक नम्बर प्लेटको गाडी दुरुपयोग गरेर कारोबारमा संलग्न भएको पनि प्रहरीको दाबी छ ।
