नेकपाद्धारा आक्रामक कार्वाहि स्थगित, जनमुक्ति सेना र कार्यकर्तालाई कोरोनाविरुद्ध जनचेतना जगाउन विप्लवको निर्देशन

नेकपाद्धारा आक्रामक कार्वाहि स्थगित, जनमुक्ति सेना र कार्यकर्तालाई कोरोनाविरुद्ध जनचेतना जगाउन विप्लवको निर्देशन

  • सोमवार, चैत्र १०, २०७६
  • मिर्मिरे अनलाइन

  • 5.5K
    SHARES

काठमाडौं, १० चैत ।
नेपाल कम्युनिस्ट पार्टीले प्रतिरोधबाहेकका आक्रामक कार्यक्रम स्थगित गरेको छ । कोरोनाको त्रासमा आम नागरिक बसिरहेका बेला नेकपाले पनि आफ्ना सम्पूर्ण आक्रामक कार्यक्रम स्थगित गरेको हो ।
नेकपा महासचिव विप्लवले सोमबार विज्ञप्ति निकालेर कोरोना भाइरसबाट देश मुक्त नहुँदासम्म सरकारी दमनको प्रतिरोध कारबाहीबाहेक अन्य आक्रामक कारबाहीहरू बन्द गरिएको जानकारी गराएका छन् । उनले तत्काल पार्टी कार्यकर्ता र जनसेनाहरूलाई आफू सचेत बन्दै आमजनतालाई कोरोनाविरुद्ध जागरुक हुन निर्देशन पनि गरेका छन् ।
विप्लवद्धारा जारी विज्ञप्तिमा भनिएको छ, ‘कोरोना भाइरसले विश्वमानव समुदायलाई ठूलो क्षति पुर्याएको छ । हालसम्म नेपाली जनतालाई क्षति नपुर्याउनु खुसीको कुरा हो । तर जोखिम कायमै छ । यस्तो जोखिमको परिस्थितिमा सारा देश एकताबद्ध भएर आफ्नो काममा लाग्नुपरेको छ ।’

नेकपाले कोरोना सङ्क्रमणका विरुद्ध आमनागरिकलाई सचेत रहन आग्रह समेत गरेको छ । साथै देशका सबै चिकित्सक एवम् स्वास्थ्य–कार्यकर्ताहरूलाई जनताको सेवामा लाग्न पनि आग्रह गरिएको छ ।

महासचिव विप्लवले तत्काल पार्टी कार्यकर्ता र जनसेनाहरूलाई आफू सचेत बन्दै आमजनतालाई कोरोनाविरुद्ध जागरुक हुन निर्देशन दिएका छन् ।
विज्ञप्तीमा भनिएको छ, ‘तत्काल पार्टी कार्यकर्ता र जनसेनाहरूलाई आफू सचेत बन्दै आमजनतालाई कोरोनाविरुद्ध जागरुक हुन निर्देशन गर्दछ । साथै कोरोना भाइरसबाट देश मुक्त नहुँदासम्म सरकारी दमनको प्रतिरोध कारबाहीबाहेक अन्य आक्रामक कारबाहीहरू बन्द गरिएको जानकारी आमजनसमुदायमा अवगत गराउँछौँ ।’

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ